Како што информира премиерот Мицкоски, средбата поминала во пријателска и конструктивна атмосфера, при што во средиштето на разговорите биле можностите за понатамошно унапредување на заемните односи меѓу двете земји.
„Разговаравме за продлабочување на економската соработка, трговската размена, инвестициите, како и за зајакнување на партнерството во повеќе области од заемен интерес“, истакна премиерот Мицкоски.
Тој нагласи дека оваа историска посета на индиската претседателка претставува значаен чекор кон отворање нови перспективи за соработка меѓу двете пријателски држави. Средбата е уште една потврда за заедничката определба за градење посилни и поцврсти заемни врски во иднина.