Депонијата во Радовиш гори веќе неколку дена, а надлежните институции и понатаму преземаат мерки за ставање на пожарот под контрола и спречување на неговото ширење.
Градоначалникот на Радовиш и командант на кризниот штаб, Љупче Почивалец, во консултација со лекарите од Центарот за јавно здравје-Штип, на Фејсбук апелира граѓаните да избегнуваат непотребен престој на отворено и да ги ограничат движењата, особено во периодите кога чадот од депонијата е најинтензивен.
Депонијата во Радовиш гори 5 дена и не може да се угаси.
Луѓето живееат еколошка драма, мора да се затворат дома, да не пуштаат клима или отворат прозор, да носат маски, децата не смеат надвор или во школски двор.
Ова труење кое не си го правиме само преку воздух, туку и преку водите и почвата, од тоа што го јадеме и пиеме, затоа што тие депонии испуштаат тешки токсични и канцерогени отрови и најчесто се на плодна почва, блиску до води или домови, се има претворено во сериозен и можеби најголем убиец на народот.
Се разбира луѓето тоа го гледаат и го осеќаат, но никој не сака да измери, да потврди, затоа што потоа ќе мора да најде чаре и решение.
Умираме од нашето ѓубре, се труеме, наместо од него да правиме пари и да си продолжиме живот.
И ова е тежок бизнис, тешко куроболие, но и голем интерес, кога и понатаму кај сме полни диви депонии, само диви, пошто немаме недиви, туку и плус увезуваме отпад.
Тешки лудаци сме…