Шефот на македонската дипломатија Тимчо Муцунски го повикал вчера бугарскиот амбасадор во Македонија, Јеласко Радуков, за да му изрази сериозна загриженост по објавувањето на дипломатската нота околу посетата на сопругата и синот на премиерот Христијан Мицкоски на Бугарија, со окривање и на лични податоци.
Мицкоски: Сигналите од Бугарија не ме прават оптимист! (ВИДЕО)
„ Јас да бев, мене да ми се случеше ова, ќе се извинев“, порача Муцунски на прес конференција кој рече дека за него ова е неприфатлив начин на меѓусебно функционирање на две држави, нагласувајќи дека дури и во земји што се во војна вакви работи не им се случуваат.
„Станува збор за движење на членови на семејство на високи странски преставници. Никогаш таков документ не излегол во кавност од кај нас. А, може да се случи, но јас прв би се извинил“, рече Муцунски посочувајќи дека посебен проблем е што беа објавени лични податоци.
Тој притоа соопшти дека го повикал амбасадор Радуков и побарал објаснување како дошло до објавувањето на нотата , но дека досега не добил одговор.
„Сигурно сте читале дека мојот дедо бил бугарски војник. Дедо ми е починат од 1997 година. Нека не напаѓаат слободно тие портали што шират вакви лажни вести, но нека ги остават (на мир) барем нашите семејства“, рече Муцунски.
Тој соопшти дека за настанот информирале голем број преставници на ЕУ, НАТО бидејќи станува збор за невиден преседан и за прекршување на сите меѓународни конвенции за дипломатска заштита и комуникација.
На истата прес конференција Муцунски рече дека секоја форма на вандализам на наша страна е штетна и ја осудува , мислејќи на обвинувањата од Софија за палењето на автомобилите пред бугарската амбасада за што, како што нагласи, власта веднаш излегла со осуда и дејствувала.
Тој во исто време најави дека е утврдена кандидат за нов амбасадор на Македонија во Софија и дека е од редот на професионалниот кадар во МНР. Генерално тој кажа дека во моментов испразнети се 16 амбасади, при што ги вброи како неиспразнети и тие 12 за кои е почната процедурата за праќање амбасадор. Тој во рамките на отчетот за работата соопшти дека остварил 110 работни посети и над 400 средби, а сме биле домаќини на 40 светски лидери, очигледно ставајќи ги на свое конто и активностите на претседателката на државата и на премиерот.