Во статијата со наслов „Заборавениот кандидат на ЕУ“, објавена во денешниот „Плејбук“ на „Политико“ пишува:
Заостаната во чекалницата
„С.Македонија е одличен ученик за Брисел на хартија – целосно усогласена со надворешната политика на ЕУ и кандидат желен за членство од 2005 година. Сепак, две децении подоцна Скопје сè уште чека правилно да започнат преговорите за пристапување, но трпението му се намалува.“
Македонците се лути
„Министерот за надворешни работи Тимчо Муцунски не го крие своето разочарување. ‘Да, понекогаш сме многу фрустрирани, поради тоа што нема политичка реализација.’ – изјави тој, додавајќи: ‘С Македонија, која го прослави својот Ден на Републиката во неделата , стана’студија на случај’ за тоа како можат билатералните спорови можат да го попречат проширувањето на ЕУ.“
Голем контраст
„Црна Гора ита кон членство во ЕУ до 2028 година, Албанија ги затвори првите три преговарачки поглавја во јули, а Украина и Молдавија напредуваат во разговорите. Но, С.Македонија сè уште не затворила ниту едно поглавје повеќе од 20 години. „Потценување е, ако се каже дека сме биле неправедно третирани неправедно.’ – изјави Муцунски.“
Балканска работа
„С.Македонија го смени знамето во 1995 година, а потоа и името во 2019 година, за да ги реши историските спорови со Грција. Но ѝ се случи само тоа нејзината евроинтеграција да биде блокирана од Бугарија, која бара Бугарите да бидат признати во македонскиот устав. Скопје не сака да го стори тоа, па затоа неговата кандидатура за членство во ЕУ останува во застој“
Нема повеќе отстапки
„Идејата за измена на уставот стана политички токсична поради премногуте отстапки.’ – посочува Муцунски. Тој додава: ‘Македонците се уморни од ‘поместувањето на голот’ и не веруваат дека Бугарија нема да бара нешто друго. Ова е апсолутна злоупотреба на позицијата како земја-членка на ЕУ“.
Споредба со проблемите
„Муцунски ја спореди нивната ситуација со ситуацијата во односите меѓу Ирска и Велика Британија, додавајќи дека тие веројатно не би можеле да ги надминат нивните остри меѓусебни разлики без заедничкото членство во ЕУ. „Бугарија ќе добие најмногу од тоа што нашата нација ќе се движи напред по патот кон полноправно членство.’ – тврди тој“
Нема план Б:
„Не мислам дека ќе направам нешто корисно во интерес на мојата земја, ако го критикувам донесувањето одлуки во ЕУ.’ – рече овој висок дипломат. Сепак, тој инсистира дека ‘С.Македонија го заслужила своето место во евроблокот’ и сака ЕУ да понуди ‘правичен, предвидлив и доверлив пат’ напред. ‘Нашата земја нема луксуз на алтернатива Б, или алтернатива Ц.’– укажа Муцунски.“, објави денешен „Плејбук“ на бриселски „Политико“.