„Прво е заштитата на македонските национални интереси. Второ е користењето на потенцијалот на нашите дипломатско-конзуларни претставништва во економската дипломатија, но и поттикнување на трговијата, односно извозната состојка на нашата економија. Трето е заштитата на интересите на нашите граѓани надвор од нејзините граници — независно дали се тоа Македонци, коишто живеат надвор од нашата држава, или се тоа наши граѓани, коишто патуваат заради различни причини. Во таа смисла тука зборуваме пред сè за конзуларните услуги и потребата за нивно осовременување, подобри услуги за Македонците надвор од границите на државата.“ -изјави Муцунски.
Запрашан на кои пазари гледа најголем потенцијал, Муцунски одговори дека нема никаква дилема оти клучен наш пазар за економска соработка се земјите во Европската Унија.
„Земјите членки на Европската Унија ни се најзначаен трговски партнер. Но, еднакво значаен во последно време е и поттикот кон засилена трговска соработка со Соединетите Американски Држави. Скоро беше тука во посета претседателката на Индија. Значаен пазар е и Индија. Земјите од Арапскиот Залив се, исто така, земји со кои што гледаме интерес и засилена соработка во следниот период. Првична ни е соработката традиционалните трговски партнери, но отвораме можности и за нови пазари. Тоа се дел од од приоритетите на нашите дипломатско-конзуларни претставништва.“ – рече Муцунски.
Пред почетокот на Амбасадорскиот совет претседателот на Владата Мицкоски укажа дека тоа што е стратегиска определба на Министерството за надворешни работи е стратегиска определба на Владата. Тука не треба никој да има дилема. Тоа што го кажа министерот е апсолутно усогласено со политиките на Владата. За дел од пораките, за кои јас ќе говорам денес пред нив, се содржани во тие три столба.“ – посочи Мицкоски.