Македонија

МВР предупредува: Лажни е-маилови во име на БЈБ – не отворајте!

Министерството за внатрешни работи (МВР) ги предупреди граѓаните да бидат екстремно внимателни и никако да не отвораат лажни електронски пораки што лажно се претставуваат како испратени во име на директорот на Бирото за јавна безбедност (БЈБ).

2 минути за читање

Министерството за внатрешни работи (МВР) ги предупреди граѓаните да бидат екстремно внимателни и никако да не отвораат лажни електронски пораки што лажно се претставуваат како испратени во име на директорот на Бирото за јавна безбедност (БЈБ).

Според соопштението на МВР, до неколку граѓани пристигнале лажни покани за наводна тековна истрага, во кои сторителите се претставуваат како официјални лица. Во пораките се бара во рок од 24 часа да се јави примачот во полициска станица или да испрати повратен е-маил, со тврдење дека е предмет на кривична истрага за сериозни дела како детска порнографија, педофилија и трговија со дрога.

„МВР ги известува граѓаните дека станува збор за лажни пораки кои не се испратени од страна на Бирото за јавна безбедност при МВР. Овие електронски пораки се класичен обид за измама во кој целта на измамниците е да дојдат до личните податоци на граѓаните, со цел нивна понатамошна злоупотреба. Покани до граѓаните за истражни постапки од страна на МВР не се испраќаат преку е-маил адреси“,
се нагласува во соопштението.
МВР апелира:

Не отворајте ги ваквите пораки.
Не контактирајте го испраќачот.
Никако не споделувајте лични податоци.
Не кликајте на линкови или прилози од непознати испраќачи – ризик од малициозен софтвер.

Овие измами се дел од глобалниот тренд на фишинг напади, каде што сторителите користат страв и итност за да ги измамат жртвите. МВР повикува на пријавување на сомнителни пораки на cybercrime@mvr.gov.mk или на телефон 192.

Поврзани теми:

мвр|избор|БЈБ|лажни мејлови|малициозен софтвер

Повеќе на оваа тема:

Најнови вести од: Македонија

Во Загреб претставување на „Магичниот круг на детството” од Татјана Гогоска во рамки на проектот „Македонскиот јазик е најголемата културна татковина без граници“

Во Македонскиот културно-информативен центар (КИЦ) во Загреб вечерва ќе се одржи претставување на книгата „Магичниот круг на детството ” од авторката Татјана Гогоска. Ова претставување се одржува во рамки на мултимедијалниот проект за деца „Магичниот круг на детството“ на „КАТ Продукција“, кој се реализира од 16 заклучно со 19 април во Македонскиот културно-информативен центар во Загреб под мотото: „Македонскиот јазик е најголемата културна татковина, која нема граници. Затоа многу значаен елемент е живеењето на јазикот меѓу генерациите, што не се во Македонија, туку живеат во други држави.“

Владата очекува горивата да поевтинат за 1,5 денар за литар

Согласно пресметките, се очекува дека Регулаторна комисија за енергетика ќе донесе одлука со која ќе се изврши дополнително намалување на малопродажните цени на нафтените деривати во просек за околу 1,5 денар по литар, соопшти Владата.

„Н.М“: Секоја грчка влада го попречуваше македонскиот пат кон ЕУ, давајќи пример како се тргува со европските вредности! – Сега тоа го прави Бугарија!

„Кога во јуни 2003 година на самитот на ЕУ и Западниот Балкан беше усвоена ‘Солунската агенда’, никој не претпоставуваше дека токму на тој собир, наместо отворање на вратите, ќе биде запечатена европската судбина на земјите од регионот. Освен Бугарија и Романија, кои влегоа со политичка одлука во 2007 година, како и Хрватска, која послужи како доказ дека процесот е наводно жив, ниедна друга земја не стана дел од ЕУ безмалку 20 години. Значителен дел од вината за оваа непроменета ситуација ја сносат токму создавачите на ‘Солунската агенда’. Грција со години ја блокираше Македонија, користејќи го спорот за името како инструмент за кочење, со што на другите членки на ЕУ им го ‘сервираше’ најопасното оружје: ветото како алатка за билатерални уцени. Сега, повторно официјална Атина се повикува на ‘Солунската агенда’“, обидувајќи се да се наметне како лидер на процесот што самата го минираше.“ – ова се нагласува во анализата со наслов „Оригиналниот ‘тројански коњ’ во евроинтеграциите е всушност – грчкиот“.

Скопскиот аеродром лидер во регионот со раст од 32%, од Владата очекуваат над 3,5 милиони патници годинава

Вицепремиерот вели дека оваа година се очекува да се надмине бројот од 3,5 милиони патници, а во следната година да достигне и до 4 милиони патници, што е резултат на актуелниот модел на привлекување на авиолинии.

„Вреди“: Џабе се „крокодилските солзи“, Џафери го запечати исклучувањето на албанскиот јазик од правосудниот испит! – Ќе го решиме проблемот

„ДУИ, која повеќе од 20 години имаше 5 министри за правда од своите редови, никогаш не го реши овој проблем: го изгласаа Законот за правосудниот испит, оставајќи денес стотици албански студенти да ги трпат последиците од една двојна неправда. Документот од 27 август 2019 година, потпишан од Талат Џафери, е јасен доказ дека проблемот околу полагањето на правосудниот испит не е случајност, туку последица на негрижа и политичко предавство.“ – соопшти коалицијата Вреди.
Сите вести од Македонија

Најнови вести

To top