Денес, по повод 9 Мај – Денот на победата над фашизмот и Денот на Европа, делегација на Комисијата за култура на СДСМ предводена од претседателот Мирче Најдоски, положи свежо цвеќе на споменикот на скопскиот партизански одред, објави СДСМ.
Во објавата на својот фејсбук профил каде не се дозволени коментари СДСМ пишува дека 9 Мај се слави денес но не се открива дали е утнат денот или има друга причина за прослава еден ден порано.
,,Со длабока почит им оддадовме чест на борците кои со својата жртва ја донесоа слободата и ги вградија темелите на антифашистичка, демократска и европска Македонија.
9 Мај е потсетник дека слободата, мирот и солидарноста не се дадени, туку се вредности што мора постојано да ги чуваме и да ги негуваме. Нашата обврска е да го продолжиме патот на антифашизмот достоинството и европските вредности за идните генерации.
Нека им е вечна слава на жртвите на Народноослободителната борба и нека е честит 9 Мај – Денот на победата над фашизмот и Денот на Европа”, објави СДСМ.