Птицата била погодена со сачмарка под крилото, изнемоштена и дехидрирана, така што ветеринарот Ристо Ичков од Богданци лесно го фатил и да го прегледа пеликанот во соработка со Агенцијата за храна и ветеринарство и со локалните власти.
„ Погоден е со сачмарка под крилото. На десната страна има паднати пердуви и поцрнето месо, што значи дека имал рана“, изјавил Ичков за МИА.
Дојранските рибари му обезбедиле околу 1 килограм свежи рипчиња, за птицата е обезбедено и посебно место на крајбрежјето. Таму ќе може редовно да добива риба додека закрепнува.
Пеликаните, во Дојран познати и како бабли, живеат во јата. Според информациите што ветеринарот ги добил од искусен дојрански рибар, јатата обично се враќаат кон крајот на октомври и во почетокот на ноември.
Ичков очекува простреланиот пеликан дотогаш да закрепне.
„ За еден месец ќе дојдат и неговите другари и можно е да замине со нив“, рече ветеринарот.