Вицепремиерот и министер за транспорт Александар Николоски објави дека изградбата на автопатот Охрид–Кичево се одвива со засилено темпо дури и на најкомплексниот и најпредизвикувачки дел од трасата – стрмните планински косини.
„Интензивна работа на најтешкиот дел од автопатот Охрид-Кичево. Со нови проекти се работи на целосно решение и стабилизација на најпроблематичните косини на трасата. Ја градиме Македонија“ – напиша министерот Николоски на својот профил на Фејсбук.
Со примена на нови инженерски проекти и современи технологии, се обезбедува трајна стабилност на теренот, што претставува клучен чекор кон целосно завршување на овој стратешки патен правец.