Одделението за општествени науки при МАНУ каде најистакнати и најмоќни членови се академиците Владо Камбовски и Таки Фити го понижија Филозофскиот факултет во Скопје која е најстарата македонска високообразовна институција.
Како што вчера објави expres.mk одделението за општествени науки минатата недела на седница не го прифатила предлогот кој го презентирала академик Вера Битракова Грозданова за нов член на МАНУ да биде избран професорот Драги Митревски.
За предлогот археологот Драги Митревски да стане член на МАНУ гласале само четворица од 8 академици од ова одделение.
Меѓу тие академици кои денеска контактираа со expres.mk има неколку кои потврдија дека дека гласале за професорот Митревски.
Меѓу нив не се академиците Камбовски и Фити од кои expres.mk чека писмени одговори на испратени прашања до нивните официјални адреси.
Одлуката на четворица членови на одделението за општествени науки при МАНУ да гласаат против изборот на Митревски не е само непочитување на неговата лична и научна позиција како врвен светски научник археолог туку и урнисување на најстарата македонска високо научна институција Филозофскиот факултет во Скопје.
Професорот Драги Митревски за академик согласно конкурсот на МАНУ беше предложен од првиот факултет во Македонија основан пред 105 години во далечната 1920 година.
Одлуката на четворица членови на МАНУ да се блокира Митревски да оди на пленарното гласање е индиректна блокада и на сиот имиџ и научен потенцијал на Филозофскиот факултет во Скопје кој е еден од темелите на македонската наука.
Народски кажано, одделението каде најмоќни членови се Владо Камбовски и Таки Фити ,,ги згази” професорите и другите соработници на Филозофскиот факултет кои со апсолутно мнозинство застанале зад кандидатурата на Драги Митревски.
Посебно е тажно и неодговорно што четворица членови на МАНУ отидоа контра своите тројца колеги од одделението за општествени науки но и на сите други академици кои досега биле членови на МАНУ а дошле од Филозофскиот факултет.
Да биде трагедијата поголема според извори во академијата и лани МАНУ одбила друг кандидат од Филозофскиот факултет на сличен начин.
За другите државни и идентитетски проблематични аспекти на овој огромен срам на МАНУ на овој ЛИНК.
Фото: Веб сајт на МАНУ