Македонија

Околу сто скопјани казнети за фрлање ѓубре во контејнер по 22 часот

Над 2.000 евра собрал Град Скопје од граѓаните и од компаниите по оваа основа од ноември досега

Инспекторите на Град Скопје досега изрекле околу 100 казни на граѓани кои фрлале комунален отпад во контејнери по 22 часот, како и десетици казни на компании и над 100 опомени, објавува Portalb.mk.

Мерката е воведена со одлука од ноември 2025 година, со која се забранува фрлање отпад помеѓу 22 и 6 часот. Казната е 50 евра, а според податоците од градските власти, буџетот досега собрал над 2.000 евра од ваквите казни.

Според Град Скопје, забраната значително ја подобрила хигиената во градот и влијаела врз навиките на граѓаните.

Инспекторатот најавува продолжување на засилените контроли со работа во три смени и контроли на критични локации. Планот е и инсталирање видео надзор за подобра контрола на прекршоците.

Дополнително, Советот на Град Скопје одлучи дека кафулињата, маркетите и другите деловни објекти мора да обезбедат посебни контејнери за отпад, со цел да се намали оптоварувањето на заедничките контејнери наменети за домаќинствата.

Најнови вести од: Македонија

Не се укинува вториот пензиски столб – законската одредба за 6%, се префрла во друг закон, рече министерот Велковски

Дали со предлогот за  бришење на членот 120, односно на одредбата за уплата на 6% во вториот пензиски столб власта ги доведува во ризик пензиските заштеди на повеќе од 650.000 граѓани кои се негови членови?!

Во Битола се одржа литија низ Широк Сокак со чудотворната икона на Пресвета Богородица Утешителка Паљурска

По Светата Литургија, чудотворната икона на Пресвета Богородица Утешителка Паљурска беше изнесена во свечена литија низ Широк Сокак, во која се вклучија свештениците, монашките заедници и бројните ходочесници. Со литијата заврши централниот дел од ходочестието во Битола.

To top