Во црквата „Рождество на Пресвета Богородица“ во Скопје, на денот кога се одбележуваше 250-годишнината од независноста на САД, била прочитана посебна молитва за американскиот претседател Доналд Трамп и за Соединетите Американски Држави.
Молитвата ја прочитал отец Михаил, а за тоа сведочи и објавата на Слаѓана Аврамоска Митрис, активист на македонската дијаспора во САД. Таа на Фејсбук сподели фотографија со отец Михаил и потпретседателот на Сојузот на стопански комори на Македонија, Орце Симов, и напиша:
„Благодарна сум за посебната молитва и благословот што отец Михаил ги упати за нашиот претседател Доналд Трамп и за нашата земја – Соединетите Американски Држави, по повод Денот на независноста, овде во Македонија. Среќен 250. Ден на независноста, Америка!“
Од МПЦ-ОА за „Религија.мк“ потврдија дека станува збор за самоиницијативна одлука на свештеникот, а не за редовна процедура во сите храмови.
Отец Михаил претходно служеше во црквата „Свети Јован“ во Капиштец, а неодамна е преместен во црквата „Св. Богородица“ во центарот на Скопје.