Македонија

Отпор во Бугарија за државната награда „Никола Вапцаров“ – бил „антибугарин“ и „македонист“

Атлантскиот совет на Бугарија и здружението „Сеќавање за утре“ бараат јавна расправа за „контроверзниот“ поет и револуционер

Атлантскиот совет на Бугарија и здружението „Сеќавање за утре“ ја оспоруваат одлуката на Министерството за култура годинава првпат да ја додели државната награда за поезија „Никола Вапцаров“, воведена во 2023 година, поради антибугарските и промакедонски ставови на револуционерот и поет стрелан од бугарската фашистичка власт на 23 јули 1942 година во Софија.

„Македонското прашање не е споредна епизода. Во Македонскиот литературен кружок во Софија, Вапцаров учествувал во средина во која се дискутирала иднината на Македонија во согласност со политиката на Бугарската комунистичка партија и изјавите на Коминтерната за посебен македонски национален идентитет. Песни како ‘Земја’, неговите изјави и неговите активности во кружокот денес се користат од официјалната литературна традиција во Република Северна Македонија за да го претстават како ‘македонски’ поет и дел од посебно национално наследство, и покрај бугарската јазична и културна средина во која е роден, образован и творел.

Затоа, Министерството за култура мора да објасни како Вапцаров може да се прогласи за обединувачки патрон на бугарската поезија, додека политичките и литературните аспекти на неговата биографија служат за оспорување на бугарската историска и културна припадност на народот од Пиринска Македонија. Неговото име не може да се воздигне како државен симбол без јасна дистинкција од рускиот и коминтерновскиот проект за национален инженеринг во Бугарија и во Македонија“, реагира Атлантскиот совет на Бугарија, поддржувајќи го барањето од „Сеќавање за утре“ за отворање јавна расправа за „ликот и делото“ на Вапцаров пред да биде врачено признанието.

Двете организации го оспоруваат и ставањето на Вапцаров на рамништето на Христо Ботев, за кој една година по Јонков е воведена државна награда за поезија и публицистика, со тоа што и двете признанија се наградуваат со по 5.112 евра.

Најнови вести од: Македонија

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

Зафировски за признанието на Михаилова за ДАНС: Ова е бугарска пародија, во која самата се излаја за поврзаноста со тајните служби

Срамота и давање автогол, бугарска пародија во која Ива Михаилова самата недоветно се излаја за улогата на тајните служби и бугарската ДАНС во целиот нејзин „случај“, посочи безбедносниот аналитичар Воислав Зафировски во „За македонските работи“ со Љупчо Цветановски. Недораснато дете кое избрза и искрено си кажа се што треба и не треба, класичен автогол во полза на Македонија за случај кој беше поддржан и од највисоките бугарски функционери.

Муцунски: Проширувањето на ЕУ е геополитичко обединување на Европа и стратешка инвестиција во постабилен и побезбеден континент

Министерот за надворешни работи и надворешна трговија Тимчо Муцунски синоќа во Скопје се обратил на конференцијата „Безбедноста во Западен Балкан“, организирана од германскиот институт „Аспен“ (Aspen Institute Germany) во соработка со Министерството за надворешни работи и надворешна трговија.

„КАЖИ НЕ!“ – кампања на МВР против сексуалната злоупотреба на деца во дигиталниот простор (ВИДЕО)

Целта на кампањата е да се подигне свеста кај децата, младите, родителите и пошироката јавност за препознавање и спречување на сексуалната злоупотреба во дигиталниот простор

Најнови вести

To top