Владимир Панчевски, единствениот дисквалификуван кандидат за наследник на Љупчо Коцевски од Советот на јавни обвинители, демантира дека не го исполнува условот за најмалку 10 години непрекинат работен стаж во областа на кривичното право со потврда од Основниот кривичен суд Скопје.
Во неа Судот потврдува дека тој бил во редовен работен однос на неопределено време во овој суд на работното место судија од 8 февруари 2008 година до 28 јули 2020 година и има вкупен непрекинат работен стаж во овој суд од 12 години, 5 месеци и 20 дена.
„Во текот на судискиот стаж лицето Владимир Панчевски како судија постапувал во Одделението за организиран криминал и корупција, Одделот за претходна постапка и Одделот за прекршоци, а тој беше и претседател на Основниот кривичен суд Скопје“, стои во потврдата.
„Чисто заради сите вас што ме поддржавте во оваа трка за правда! Историјата бележи!
“, објави Панчевски на Фејсбук заедно со потврдата.