Екипите на ТППЕ Тетово беа распоредени на критичните точки околу селото Церово. Противпожарните единици интервенираа директно на теренот, за да го запрат напредувањето на огнот и да го стават под целосна контрола во најкус можен рок. Раководните лица на ЦУК и тетовската противпожарна бригада продолжуваат да ја следат состојбата на терен за навремена реакција, ако има промена на условите.
Центарот за управување со кризи упати директен повик до граѓаните за зголемена претпазливост при движење и престој на отворено. Одговорното однесување во природата е од клучно значење за спречување нови пожари во овој период.