Македонија

Пендаровски: СДСМ бараше враќање на Груевски за да се ослабне ВМРО

Пендаровски потврди дека постојат транскрипти од тие состаноци, за кои тврди дека ВМРО-ДПМНЕ делумно ги објавило.

1 минута за читање

Поранешниот претседател на државата, Стево Пендаровски, призна дека во неговиот претседателски кабинет се разговарало за можно враќање на поранешниот премиер Никола Груевски во Македонија.

Во интервју за јавниот сервис(МРТ) , Пендаровски изјави дека таквото барање дошло од неговата тогашна партија СДСМ, со цел да се ослабне ВМРО-ДПМНЕ пред парламентарните избори во 2024 година.

„Тоа ВМРО, во тоа време како опозиција, прилично го користеше и го злоупотребуваше… станува збор за состаноци на тема како Америка и Европската Унија сакаат да знаат дали ние имаме план за уставните промени“, рече Пендаровски.

Тој посочи дека на состаноците учествувале и американската и ЕУ-амбасадорката, а дека темата за Груевски била отворена во контекст на уставните измени. Пендаровски истакна дека тој лично се спротивставувал на помилување на Груевски, велејќи дека за тоа треба да одлучат пратениците преку закон за амнестија.

„Бидејќи во тој период имаше шпекулации дека јас сум еден од проблемите затоа што не сакам да се согласам на помилување на Груевски… Таков закон е донесен 2018 година“, додаде тој.

Пендаровски потврди дека постојат транскрипти од тие состаноци, за кои тврди дека ВМРО-ДПМНЕ делумно ги објавило.

Поврзани теми:

ВМРО-ДПМНЕ|Никола Груевски|топ|СДСМ|Стево Пендаровски

Повеќе на оваа тема:

Најнови вести од: Македонија

Во ЕУ расте бројот на лица, што живеат сами! – Во Германија од 41 милион домаќинства дури 42 отсто биле едночлени лани!

Во Европската Унија минатата година 16,5 проценти од населението живеело во едночлени домаќинства, а најголем удел на лицата кои живеат сами е регистриран во скандинавските и во балтичките земји, покажуваат податоците на европската статистичка агенција Евростат. Над европскиот просек е и Германија, каде што секој петти жител, односно 20,9 проценти од вкупно околу 84 милиони жители, живеел сам, соопшти германскиот Сојузен завод за статистика „Дестатис“.

Сиљановска-Давкова: Струшките вечери на поезијата веќе 65 години ги поврзуваат светските меридијани, a Струга е најпоетскиот град на планетава

Струшките вечери на поезијата, поетски дом, кој веќе 65 лета поврзува меридијани, го соединува и обединува светскиот поетски сој со љубителите и почитувачите на убавата реч во старата, но витална Струшка бунтовна република на поетите, кои се борат за подобар и похуман живот. Шест и пол децении сме благословени да бидеме домаќини на мајсторите на јазикот и алхемичарите на мислата, преточувајќи ги во естетика и етика, истакна вечерва од Струга претседателката Гордана Сиљановска-Давкова прогласувајќи ги за отворени 65. Струшки вечери на поезијата.

Петрушевски: СДС одработува за интересите на Бугарија, мислејќи дека така ќе дојдат на власт! Се соочуваме со странско мешање во внатрешните работи на Македонија!

Бране Петрушевски, пратеник во Собранието од редовите на ВМРО-ДПМНЕ, вечерва гостуваше во емисијата „Само Вистина“ на Канал 5 телевизија, при што се осврна на односите на Република Македонија со источниот сосед Бугарија како и случувањата поврзани со јавно споделената дипломатска нота во која беа содржани информации за патувањето на членовите на најтесниот круг на семејството на премиерот Мицкоски, кое како што рече Петрушевски претставува невиден скандал во дипломатските односи и прекршување на истите.

Најава дека „тетовчани в петок ќе се кренат против одлуката на Уставниот суд за промената на имињата на улиците во Тетово“!

„Тетовчани ќе се кренат во петок! Плоштадот Илирија нема да стане ‘Маршал Тито’, колку и да сонува некој за такво нешто.“ – објави на својот фејсбук-профил Рами Мислими, новинар, политички аналитичар и сопственик на албанскиот информативен портал на албански јазик „Тетова сот“ од Тетово. Неговата објава под наслов „Имињата на улици во Тетово: тетовчани ќе се кренат в петок против Билал Касами“ ја пренесоа овој портал и други медиуми на албански јазик во Македонија.

Екстрадиран Саит Саитов кој во јануари избега во Србија откако прегази жена во Капиштец

Деветнаесетгодишниот Саит Саитов од Скопје, кој беше баран со меѓународна потерница распишана од МВР на 12 јануари, денеска е екстрадиран од Србија во нашата земја, информира Министерството за внатрешни работи. МВР објави дека на Саитов му е определена мерка притвор и дека е предаден во затворот „Скопје“ за понатамошна постапка

Сите вести од Македонија

Најнови вести

To top