Македонија Хроника

Почина Гоце Стефковски – Крапе

Денес, по кратко боледување, на 70-годишна возраст, згасна едно големо македонско срце. Гоце Стефковски – Крапе, еден од тројцата основачи и прв претседател на Илинденскиот марш 1978 од Горно Лисиче до Крушево, човекот што даде насока, патоказ и душа на Илинденската епопеја, го заврши својот земен пат, но неговото дело останува врежано во меморијата на […]

1 минута за читање

Денес, по кратко боледување, на 70-годишна возраст, згасна едно големо македонско срце. Гоце Стефковски – Крапе, еден од тројцата основачи и прв претседател на Илинденскиот марш 1978 од Горно Лисиче до Крушево, човекот што даде насока, патоказ и душа на Илинденската епопеја, го заврши својот земен пат, но неговото дело останува врежано во меморијата на генерациите.

Патриот, визионер, борец за обединета Македонија во обединета Европа, Гоце не само што ја започна традицијата на маршот, туку и ги водеше илјадниците млади и стари по патеките на Илинден, потсетувајќи ги дека слободата и државноста не се даденост, туку завет што се чува со срце и дело.

Дванаесет години претседаваше со црковниот одбор при црквата „Св. Петар и Павле“ во Горно Лисиче, каде беше столб и потпора на заедницата. Поранешен член на Централниот комитет на ВМРО, политички прогонуван, но никогаш покорен, Гоце остави зад себе пример, вера и следбеници.

Неговото дело не завршува денес. Тоа ќе продолжи со секој чекор на Илинденскиот марш, со секоја молитва во црквата што ја љубеше, и со секој млад човек што ќе го носи Илинден во срцето.

Погребот ќе се одржи утре, 27 мај, на гробиштата во Горно Лисиче во 13 часот.

Поврзани теми:

актуелно|Гоце Стефковски – Крапе

Најнови вести од: Македонија Хроника

„Граматиката“ на Блаже Конески од 1952 – силен научен противудар кон бугарско-грчките негирања на македонскиот јазик!

„Корените на нашиот денешен литературен јазик се впиваат во наследството на писменоста, што од векови наваму носи во Македонија самобитно јазично обележје.“ – има напишано, покрај другото, еден од архитектите на македонскиот национален идентитет и на македонскиот јазик Блаже Конески во уводот на својата „Граматика на македонскиот литературен јазик“, објавена на денешен ден, на 13 октомври 1952 година. Издавањето на ова дело е еден од најзначајните датуми не само во јазичната, туку и националната историја на македонскиот народ. Најголемиот пораз за негаторите на мајчиниот јазик на Македонците е фактот што „Граматиката“ веднаш добива меѓународен легитимитет од најугледните светски лингвистички умови и од светските славистички центри: таа е веднаш прифатена од водечките слависти во Франција (Андре Вајан), Русија, Германија и САД. Речиси истовремено со Конески американскиот професор од Универзитетот Харвард Хорас Лант ја објавува својата прва македонска граматика на англиски јазик .Светската наука уште во 50-тите години од минатиот век ја затвори расправата, која денес сѐ посилно, но и сѐ почајно особено Грција и Бугарија се обидуваат повторно да ја отворат со политички фалсификати.

Македонија меѓу побезбедните држави во светот според „Мапата на опасности за 2027“ на „Глобал гардијан“ од САД

Македонија и останатите земји од Западен Балкан се наоѓаат во категориите со ниска до умерена безбедносна опасност, покажува Глобалната мапа на опасности за 2027 година, објавена од американската компанија за корпоративна безбедност „Глобал гардијан“.
Сите вести од Македонија

Најнови вести

To top