Македонија

Полицијата го најде возачот на „БМВ“ кој леташе кон Гевгелија

Полицијата приведе 21-годишник од Батинци

1 минута за читање

Млад возач од скопско заработи кривична постапка откако полицијата го затекнала како се движи со речиси двојно поголема брзина од дозволената на автопатот Скопје – Гевгелија.

Според информациите од Министерството за внатрешни работи, синоќа околу 20 часот, на делницата кај селото Милетково, полициски службеници извршиле контрола на сообраќајот со радарски систем, при што било утврдено дека И.Р. (21) од скопското село Батинци управувал патничко возило „БМВ“ со скопски регистарски ознаки со брзина од дури 244 километри на час.

На овој дел од автопатот максимално дозволената брзина изнесува 120 километри на час, што значи дека возачот ја надминал дозволената граница за повеќе од 120 километри на час.

Поради сериозното прекршување на сообраќајните прописи и загрозувањето на безбедноста на останатите учесници во сообраќајот, возачот бил лишен од слобода на самото место.

Од МВР информираат дека по целосното документирање на случајот против него ќе биде поднесена соодветна пријава.

 

Поврзани теми:

мвр|топ|брзина|пријава|Гевгелија|возач

Повеќе на оваа тема:

Најнови вести од: Македонија

Михаилов: Граѓаните да не купуваат дрва од дрвокрадците по пониски цени, оти тоа значи директна поддршка за нив!

Граѓаните да не купуваат дрва од дрвокрадците по пониски цени, овој повик го упати заменик директорот на ЈП „Национални шуми“, Кире Михаилов. Тој посочува дека ваквата набавка на дрва од страна на граѓаните значи и директна поддршка на дрвокрадците, кои ги пустошат македонските шуми.

Димитриевски: ЗНАМ поддржува средба и разговор со Бугарија, но без отстапки околу македонскиот идентитет и јазик

Македонија има европска определба, но и јасно поставени црвени линии кога станува збор за македонскиот идентитет, јазик и култура. Ставот што ЗНАМ го застапува е и став на Владата и државна позиција на Македонија, нагласи претседателот на Движењето ЗНАМ Максим Димитриевски на денешната средба со граѓани во Гостивар.

Клековски: Околу 1.000 нови случаи на рак на дојка годишно во Македонија, ќе се преиспитува скрининг-програмата

Околу 1.000 нови случаи на рак на дојка се регистрираат годишно во земјава, а во моментов околу 7.000 пациентки се лекуваат или се лекувале, изјави министерот за здравство Сашо Клековски на „Розовиот пикник појадок“ во Скопје во Паркот кај Школка, организиран од ХЕМА-ОНКО. Настанот го поддржа и претседателката на Македонија Гордана Сиљановска-Давкова, како и голем број жени кои присуствуваа, за да ги слушнат пораките за важноста на превенцијата, раното откривање и отворениот разговор за ракот на дојка.

Целосно слеп човек повикан да докажува дека е слеп и му била намалена помошта – ДКСК утврди дискриминација од стручната комисија

Човек целосно слеп на двете очи, чија здравствена состојба е медицински утврдена како трајна и непроменлива, повторно бил повикан на контролен преглед за да му се проценува потребата од туѓа помош и нега. Помошта што претходно ја добивал му била определена во помал обем.
Сите вести од Македонија

Најнови вести

To top