Македонија

Полска уапси руски археолог за парички на Александар Македонски по налог на Украина

Ископувал артефакти на Крим кој сега е под контрола на Москва

 

 

 

Властите во Полска притвориле руски археолог кого Украина го обвинува за неовластено ископување и грабеж на историски артефакти во Крим, соопштија полските власти предизвикувајќи негодување од Москва, која побара негово итно ослободување.

Украина, која предходно преместила некои музејски експонати во странство поради нивна безбедност, ја обвинува Русија дека зема скапоцени историски предмети од Крим, кој Москва го анектираше во 2014 година, и од други делови на земјата по целосната инвазија на Москва во 2022 година.

 

 

„Украинците имаат сомневања за ова лице во врска со кражба на културно богатство“, изјави полскиот министер за специјални служби, Томаш Сјемонијак, за приватниот радиодифузер TOK FM.

„Судот нареди негово апсење за да може овој случај да се реши мирно“, изјавил Сјемонијак.

Портпаролот на Симонијак, Јацек Добжински, за „Полсат њуз“ изјавил дека Русинот бил приведен во Варшава на 4 декември.

 

Полските обвинители во соопштение испратено по е-пошта изјавиле дека судот се согласил да дозволи човекот, именуван само како Александар Б. поради полските закони за приватност, да биде задржан во притвор 40 дена додека властите чекаат барање за екстрадиција од Украина.

Руското Министерство за надворешни работи го идентификуваше човекот како Александар Бутјагин и рече дека тој бил вработен во Државниот музеј Ермитаж во Санкт Петербург.

Според соопштението Бутјагин бил поканет да одржи серија предавања на тема „Последниот ден на Помпеја“ во Варшава и неколку други европски градови.

Засега нема непосреден коментар од обвинителите во Украина или од украинското Министерство за култура.

Обвинителството на Автономната Република Крим, која сега се наоѓа во украинскиот град Херсон по руското заземање и анектирање на полуостровот од Украина, претходно соопшти дека тимот на Александар Б. извршил неовластени ископувања во античкиот град Мирмекион во областа Керч, предизвикувајќи штета од над 200 милиони гривни (4,73 милиони долари).

 

Украина, исто така, вели дека неговиот тим запленил 30 златни монети, од кои 26 биле гравирани со името на Александар Велики, а четири биле ковани за време на владеењето на неговиот брат Филип III Аридеј.

Портпаролот на Кремљ, Дмитриј Песков, го осуди дејствието на Полска, членка на НАТО и цврст поддржувач на Украина.

„Ова е апсолутна правна тиранија. Секако, преку дипломатски канали ќе бараме право да ги заштитиме интересите на нашите граѓани“, изјави Песков на дневниот брифинг за медиумите.

„Со оглед на очигледното непријателство кон нашата земја што моментално преовладува во Варшава, тоа сигурно не е најсоодветното место за нашите граѓани да патуваат и да ја посетуваат, со оглед на целосното беззаконие што владее таму“, додаде тој.

Руското Министерство за надворешни работи соопшти дека притворањето е политички мотивирано.

„Се надеваме дека Полска ја разбира апсурдноста на обвинувањето на почитуван руски археолог за „уништување на културното наследство“ на руска територија и признава дека ваквите политизирани дејствија не можат да успеат и нема да останат неказнети“, се вели во соопштението.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

Зафировски за признанието на Михаилова за ДАНС: Ова е бугарска пародија, во која самата се излаја за поврзаноста со тајните служби

Срамота и давање автогол, бугарска пародија во која Ива Михаилова самата недоветно се излаја за улогата на тајните служби и бугарската ДАНС во целиот нејзин „случај“, посочи безбедносниот аналитичар Воислав Зафировски во „За македонските работи“ со Љупчо Цветановски. Недораснато дете кое избрза и искрено си кажа се што треба и не треба, класичен автогол во полза на Македонија за случај кој беше поддржан и од највисоките бугарски функционери.

Најнови вести

To top