Министерот за здравство, Азир Алиу и градоначалникот на Општина Бутел, Дарко Костовски потпишаа договор за спроведување на групна набавка за изградба на нова, современа поликлиника во Бутел — проект насочен кон поблизок и поквалитетен пристап до здравствени услуги за граѓаните од оваа скопска општина.
Новата поликлиника ќе обезбеди интегрирани услуги и ќе ја намали потребата од патувања до други здравствени центри.
Министерството за здравство континуирано инвестира во здравствена инфраструктура, модерна опрема и развој на човечки кадар, како три клучни столба за повисок квалитет и поголема достапност на услугите.