Пратеникот и член на собраниската комисија за надзор на тајните служби Драган Ковачки е вџашен од тоа што Јавното обвинителство не реагира на кршењата на законите во тајните служби.
Денеска членовите на комисијата беа во контрола на Агенцијата за разузнавање каде според објавата на Ковачки им биле предочени шокантни информации за прекриени закони.
,,После денешната посета, тоа што може да го заклучам е дека јавното обвинителство треба да се ,,издига на клоци”.
Ценам дека имаме класични прекршувања на Законите и злоупотреби за кои досега морало да има обвинение!
Мора да се расчисти со филм-мејкерите на чело со нивните наредбодавци. Холивуд може вода да носи”, порачува Ковачки кој алудира на однесувањето на Јавното обвинителство кое според објавата знае за кршењето на законите во Агенцијата за разузнавање.
Ковачки дополнително вели дека не смее да има застарување на предметите под плаштот на класифицираност на постапки, а не смее да има и јавно објавување и ,,забава за народ” заради легалноста на постапката!
Ковачки објавува дека нема да дава повеќе податоци за овој случај поради природата и сензитивноста на состојбите.