Агенцијата за храна и ветеринарство (АХВ) соопшти дека во претпразнични вонредни контроли биле извршени 1.221 инспекциски надзор кај оператори со храна, при што се изречени парични казни во вкупна вредност од над 19 илјади евра во денарска противвредност.
Во рамки на контролите биле уништени над 272 килограми небезбедна храна од животинско потекло, како и повеќе од 40 тони небезбедни јајца со потекло од соседна Србија, кои биле спречени да бидат пласирани на пазарот и уништени на депонијата „Дрисла“.
Инспекциските служби донеле 35 решенија за отстранување на утврдени недоследности и изрекле шест опомени. Дел од операторите не биле регистрирани, а кај други биле утврдени хигиенски, технички и административни пропусти. објави Скопје1.мк