Вчера во 21:15 часотво Кавадарци, полициски службеници од Секторот за внатрешни работи Кавадарци го лишија од слобода Р.С. (29) од Кавадарци кој возел под дејство на алкохол и предизвикал сообраќајна несреќа..
„При преземање мерки во врска со претходно случена сообраќајна несреќа во која учествувал со патничко возило „Фолксваген“ со кавадаречки регистарски ознаки и патничко возило „Пежо“ со кавадаречки регистарски ознаки, управувано од Б.К. (31) од Кавадарци, утврдено е дека возел под дејство на алкохол, поточно во неговата крв се измерени 2,92 промили алкохол.
Тој е приведен во полициската станица, известен е јавниот обвинител и по документирање на настанот, против него ќе биде поднесена кривична пријава по член 297-а од Кривичниот законик – „небрежно управување со моторно возило“, велат од Министерството за внатрешни работи.