Нема да дозволиме здружување што ќе значи зголемување на цените на телефонските услуги и пакети за граѓаните, дециден е министерот за дигитална трансформација Стефан Андоновски. Тој во емисијата „За или против“ рече дека очекува намалување на цените, со оглед на тоа дека на македонскиот пазар влегува трет мобилен оператор.
„Очекувам намалување на цените особено за мобилни услуги за граѓаните, затоа што целиот свет ги намалува цените, а го крева квалитетот. ние имаме одлична мрежа, многу добар квалитет на телефонија и интернет, но очекувам намалување на цените во периодот кој што следи“ вели Андоновски.