Амбасадата на Руската Федерација во Република Македонија се огласи на социјалните мрежи со честитка до „македонските браќа“ за „заедничкиот празник“ Ден на Светите Кирил и Методиј.
„На нашите македонски браќа им упатуваме искрени честитки по повод нашиот заеднички празник – Денот на Светите рамноапостоли Кирил и Методиј, великите сесловенски просветители и проповедници на христијанството, творци на словенската писменост. Со создавањето на азбуката, тие ги воспоставија темелите на словенската книжевност и оставија траен белег во духовниот и културниот развој на словенскиот свет.
‘Слушајте ваму, си словенски народи, слушајте Словото зашт’ од Бога ни дојде. Словото е храна за човечката душа …”
(Свети Кирил)
Споменикот на Свети Кирил и Методиј во градот Дмитров, Московска Област. Скулптор А. Рукавишников, архитект Р. Нарски“, стои во честитката на Фејсбук.