Македонија

САД и ЕУ во раскол за Западен Балкан, Јаарсма бара да се игнорираат празните муабети од Тиват

Холандскиот експерт бара да се внимава на ескалацијата која може да биде лоша за Македонија и другите земји од регионот

Раиниер Јарсма, холандски експерт за балкански, евроазиски и трансатлантски прашања, посочува на сериозен судир меѓу САД и ЕУ за Западниот Балкан.

Јаарсма смета дека ,,Празните муабети” во Тиват на самитот ЕУ Западен Балкан се неважни во споредба со расколот меѓу Вашингтон и Брисел за идниот Висок претставник на ЕУ за Босна и Херцеговина.

,,Игнорирајте ги сите беззаби ,,нон-пејпери” и вечно рециклирани предлози што кружат во Тиват и обрнете внимание на тоа што се случува во Советот за имплементација на мирот, каде што растечкиот јаз меѓу САД и Европа во однос на Западен Балкан е целосно очигледен”, сугерира Јаарсма.

Во моментов постои активен раскол меѓу САД и ЕУ околу иднината на Босна и Херцеговина, главно фокусиран на улогата на Високиот претставник (OHR) и имплементацијата на Дејтонскиот договор.

Главна точка на судирот е непостоење консензус за нов Висок претставник.

По оставката на Кристијан Шмит, САД силно го туркаа италијанскиот дипломат Антонио Занарди Ланди. ЕУ а особено Франција, Германија и Велика Британија го поддржаа францускиот кандидат Рене Трока.

На состанокот на Советот за имплементација на мирот (PIC) во Сараево не се постигна договор по што
САД ја преиспитуваат својата улога во процесот.

Американската амбасада во Сараево издаде остра изјава дека „европската нерешителност“ и откажувањето на PIC ја принудуваат САД да го преиспитаат своето учество во меѓународното присуство во БиХ што е значителна ескалација во односите меѓу Брисел и Вашингтон.

Во судирот на концепции администрацијата на Трамп сака слабеење на овластувањата на Високиот претставник и пренесување на повеќе одговорности на локалните институции.

Предходно САД ги тргнаа санкциите за Милорад Додиќ и има блиски контакти со српската страна.

ЕУ од друга страна сака да го задржи силната позиција на Високиот претставник за да се спречи сепаратизам и да се обезбеди стабилност, додека паралелно се турка европската интеграција на БиХ.

Овој судир доаѓа на позадината на долгогодишни тензии во БиХ, сепаратистичка реторика од Додик, руско влијание и различните приоритети на Западот. САД традиционално беа главниот „гарант“ на Дејтон, но сега ЕУ се наоѓа во позиција да ја одржува стабилноста без целосна американска поддршка.

Ситуацијата сега се смета дека е ,,динамична” и се очекува нов обид за договор до крајот на месецов.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

Зафировски за признанието на Михаилова за ДАНС: Ова е бугарска пародија, во која самата се излаја за поврзаноста со тајните служби

Срамота и давање автогол, бугарска пародија во која Ива Михаилова самата недоветно се излаја за улогата на тајните служби и бугарската ДАНС во целиот нејзин „случај“, посочи безбедносниот аналитичар Воислав Зафировски во „За македонските работи“ со Љупчо Цветановски. Недораснато дете кое избрза и искрено си кажа се што треба и не треба, класичен автогол во полза на Македонија за случај кој беше поддржан и од највисоките бугарски функционери.

Најнови вести

To top