Министерството за внатрешни работи на Македонија објавува дека вчера во сообраќајни контроли на патиштата низ целата земја, се изречени вкупно 956 казни.
Од нив, повеќе од половина, или 725 казни, се изречени за пречекорување на дозволената брзина.
„Според статистичкиот преглед на полициските активности, вчера се регистрирани 26 прекршоци за непрописно паркирање, изречени се 66 мерки за возачи кои управувале без возачка дозвола, како и 25 санкции за возење под дејство на алкохол.
Во истиот период, 17 возачи на мотоцикли се санкционирани за неносење заштитен шлем, а четворица пешаци и двајца возачи на електрични тротинети се санкционирани.“
„Исто така, 23 учесници во сообраќајот се санкционирани за неносење сигурносен појас. Согласно Законот за возила, седум возила се отстранети од сообраќај поради нерегистрација, а три поради технички дефекти“, соопшти Министерството за внатрешни работи.