Македонија

СДСМ и ВМРО-ДПМНЕ во клинч за почесниот конзул во Србија

Владејачката партија ја потсети опозициската дека Адамовиќ е именуван од претходната влада, но и оти ги исполнува условите

2 минути за читање

Душан Адамовиќ, почесен македонски конзул во Србија со седиште во Панчево, е најновиот камен на сопнување меѓу СДСМ и ВМРО-ДПМНЕ.

„Предлогот за конзул на Душан Адамовиќ доаѓа од амбасадорот на Македонија во Белград (Никола Тупанчески – н.з.) именуван уште од времето на владата на СДС и ДУИ.

Партијата на Башановиќ, СДС, треба да разбере дека функцонира во Македонија и е опозиција во Македонија.

Не сакаме да се вмрежуваме во дневно-политичките настани во соседна Србија, иако желбата на СДС е огромна за тоа.

Споменатото лице ги исполнува сите критериуми потребни за негово поставување за конзул“, регира владејачката партија на прозивката од портпаролката на опозициската, Богданка Кузеска.

Таа на прес-конференција праша зошто на таква функција е поставен човек што на Икс напишал „Ова е уште еден доказ дека Српска Македонија е окупирана“, тврдејќи дека тој е висок функционер на Српската напредна странка на претседателот Александар Вучиќ и оти бил дел од повеќе афери во Србија.

„Во 2019 години поранешниот министер за внатрешни работи на Србија, Зоран Живковиќ, јавно ќе објави дека Душан Адамовиќ е дел од група која се занимавала со трговија со оружје.

‘Вести.рс’ пренесува дека во 2008 г. на само 24 години бил застрелан во нога затоа што должел пари. Преживеал напад со бомба во 2006 година. Бил уапсен и за други кривични дела“, наброја Кузеска.

 

Поврзани теми:

СДСМ|ВМРО-ДПМНЕ|Душан Адамовиќ|Никола Тупанчески

Повеќе на оваа тема:

Најнови вести од: Македонија

(Видео): Речиси целосно пробиена трасата на булеварот „Борис Трајковски“ кон Драчево

По долгогодишно чекање, булеварот „Борис Трајковски“ конечно добива решение, со што се исполнува едно од најважните инфраструктурни очекувања на жителите од овој дел на Скопје.

„Комунална хигиена“ со 12 милиони евра долгови и 60% од возилата расипани

Државната ревизија ја прочешла документацијата за 2024 година на Јавното претпријатие Комунална Хигиена Скопје. Според наодите на ревизорите компанијата има проблем со наплататата на нивната услуга, потоа забележано е нерационално управување со залихите, но констатирана е и намалена ликвидност.

Презирот на македонските херои кон смртта во битката на Ножот на 14.7.1907, една од највеличествените страници на македонската историја по Илинденското востание

„Никој не смее да ги допре и да ги нагрди хероите! Гледате ли како комитите ја презираат смртта? Се борат и умираат како херои!“ – со овие зборови мајорот Енвер-беј, кој командувал со многубројната турска војска во легендарната битка со македонските комити на 14 јули 1907 година на планинскиот врв Ножот кај прилепското село Ракле, им оддал почит на саможртвениците за слободата на Македонија и македонскиот народ. Тој трагичен јулски ден во 1907 година штамата завладеја на Ножот, откако последните преживеани македонски комити се самоубија со последните куршуми и со активираните бомби, кои им преостанаа, за да не паднат во рацете на турскиот аскер. Претходно прилепскиот градски окружен комитет и војводите им издале наредба да се повлечат од врвот. ,,Опфатени сме од оган, гориме и сме дошле да изгориме. Сакаме да умреме со достоинство. Нашето решение е неповратно.” – порачале 54-те македонски херои, одбивајќи да се повлечат, за да можат сите останати да заминат безбедно. Битката на Ножот е од најнерамноправните и најкрвавите битки во историјата на Македонија по Илинденското востание, но е и една од многуте во македонската национална историја на непокорот, буните и востанијата против поробителите.
Сите вести од Македонија

Најнови вести

To top