Опозициските пратеници Халил Снопче и Скендер Реџепи-Зејд се изјаснија против донесувањето системот „Безбеден град“.
„Безбедноста во сообраќајот е важна, но не под услов да се прекрши Законот за јазиците и животниот стандард на граѓаните, кој е веќе преоптоварен, да биде сериозно засегнат“, изјави Снопче од Алијанса за Албанците.
Пратеникот исто така, изразува сериозна загриженост за финансиската димензија на проектот, нагласувајќи дека бројот на казни е алармантен и дека државата мора да преземе мерки во согласност со економската реалност на граѓаните, трансформирајќи го проектот „Безбеден град“ од безбедносен механизам во масивен инструмент за финансиска казна.
Зејд од т.н. Европски фронт, пак, вели дека овој проект е несоодветен за реалноста на земјата, казнен, дискриминаторски и неуставен.
„Патиштата и инфраструктурата на вклучените градови се под секој европски стандард и не создаваат реални услови за правична имплементација на овој систем. Вистинската цел на Владата не е безбедноста на граѓаните, туку пополнувањето на буџетските празнини преку каззни. Не е вклучена целата држава, туку само одредени градови, создавајќи нееднаков третман за граѓаните. Во трите вклучени градови – Скопје, Куманово и Тетово – албанскиот јазик е службен јазик, а Владата дозволи софтверот на проектот да се подготвува само на македонски јазик“, го објаснува своето противење на „Сејф сити“ лидерот на Народното движење.