Македонија

Со 400 килограми риба порибено Мавровското Езеро

Од утре ќе биде воведена двомесечна забрана за риболов

Во рамки на Годишниот план за порибување, водите на Мавровското Езеро биле збогатени со 200 килограми пастрмка и 200 килограми крап.

Од Националниот парк „Маврово“ информираат дека порибувањето е дел од континуираните активности за одржување и унапредување на рибниот фонд, како и за зачувување на природната рамнотежа во водните екосистеми.

„Заштитата на водите и рибниот фонд се наша заедничка одговорност. Со почитување на правилата и одговорно однесување, придонесуваме за зачувување на природното богатство на паркот“, наведуваат од НП „Маврово“.

Од утре ќе биде воведена двомесечна забрана за риболов на крап (Cyprinus carpio) во рекреативната зона на Мавровско Езеро. Забраната е донесена со одлука на ресорниот министер, по барање на управата на Националниот парк, и ќе важи до 31 декември 2026 година.

„ Целта е да се овозможи успешно приспособување, распространување и раст на порибените единки во природните услови на Мавровското Езеро, со што се придонесува кон зачувување и обновување на рибниот фонд“, информираат од НП Маврово.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

To top