Македонија

Сопственикот на локалот Јужна пруга добил „пломба“, откако си заминале инспекторите си продолжил по старо

Со тоа, тој манифестирал непочитување на службен акт, нарушувајќи ја службената функција и попречувајќи го нормалното функционирање на институциите.

1 минута за читање

Основното јавно обвинителство Скопје поведе кривична постапка против сопственикот и управител на угостителскиот објект „Јужна пруга“ во Скопје, поради сомнение дека сторил кривично дело симнување и оштетување на службен печат или знак од член 389 став 1 од Кривичниот законик.

Според обвинителството, на објектот претходно му била изречена забрана за вршење дејност со решение од овластен инспектор за животна средина од Општина Аеродром, кое било истакнато на влезната врата.

Осомничениот го отстранил решението, а при контролата инспекторите констатирале дека објектот продолжува да работи, со присуство на гости.

Со тоа, тој манифестирал непочитување на службен акт, нарушувајќи ја службената функција и попречувајќи го нормалното функционирање на институциите.

Јавниот обвинител побара од Судот да определи мерка на претпазливост – забрана за вршење угостителска дејност – додека трае постапката, за да се обезбеди спроведување на решението од инспекциските служби.

Поврзани теми:

актуелно|железничка|Јужна Пруга|забрана за вршење дејност|инспектор за животна средина

Повеќе на оваа тема:

Најнови вести од: Македонија

ЕУ подготвува голема реформа во банкарската регулатива

Една од главните цели на реформата е да се поттикнат прекуграничните спојувања на банките, што би ѝ дало на Европа доволно големи институции за да се натпреваруваат рамноправно со американските финансиски гиганти.

ДКСК: Пет лица истовремено извршуваат две функции

Државната комисија за спречување на корупцијата (ДКСК), во согласност со своите надлежности утврдени со Законот за спречување на корупцијата и судирот на интереси, редовно следи дали се почитува законската обврска за поднесување изјава за имотна состојба и интереси, како и законската забрана за истовремено извршување повеќе функции кои, согласно со закон, се неспоиви, соопшти ДКСК. […]

Скопскиот е најбрзорастечки меѓу аеродромите во екс-Југославија, 360.589 патници повеќе во споредба со истиот период лани

Македонија беше најбрзорастечкиот пазар во поранешна Југославија, со додадени 375.766 патници во текот на првите пет месеци од годината, пишува порталот „Екс-ју авиејшн“.

Директорката на „Комуналец“ Асани тврди: Епидемијата во Гостивар не е од загадена вода, туку од храна и високите температури!

Директорката на Јавното претпријатие „Комуналец“ од Гостивар одговорно за градската водоводна мрежа Артана Асани во изјава за „Телма“ вели дека зголемениот број на заболени лица во Гостивар не е поради загадената вода. Таа ги негира информациите на надлежните институции кои ја забранија водата за пиење во Гостивар поради сомневање дека таа е загадена и е извор на епидемијата која се шири во градот. Асани вели дека „меѓу заболените има и лица кои пиеле само флаширана вода“ и според неа „причина за заболувањата на над 1200 граѓани се храната што ја јаделе или високите температури“.

Уапсен А.М.Б. (41) од Англија, мавал со камења кон даночни контролори кај „Камени кукли“, сопруг е на кратовката, која го узурпираше јавниот локалитет, барајќи пари за влез

Основното јавно обвинителство Куманово поведе постапка против 41-годишен британски државјанин поради сомнение дека го сторил кривичното дело „Спречување службено лице во вршење службено дејствие“, соопшти Обвинителството. Вчера околу пладнето полициски службеници од ОВР Кратово го лишиле од слобода А.М.Б. (41) од Велика Британија. Јавноста пред неколку месеци сведочеше за случајот во кој токму на овој локалитет, жената од Кратово нелегално барала наплата на влезници, узурпирајќи го јавниот локалитет. Британецот е сопруг на оваа кратовка.

Мицкоски: На 15 јули на ЕУ ѝ е доставен документ со целосно исполнети обврски! – Реформите продолжуваат и покрај блокадите на изборниот закон!

Премиерот на Република Македонија Христијан Мицкоски соопшти дека на 15 јули на Европската Унија ѝ е доставен документ со целосно исполнети и означени обврски, со што, како што вели, уште еднаш покажавме дека реформскиот процес го водиме одговорно, транспарентно и со јасна посветеност кон исполнување на европската агенда.

Сомнежи на полицијата: ЈП „Водовод“ и општина Гостивар со три пумпи вбризгувале отпадни води во гостиварскиот водовод и го загрозиле здравјето на граѓаните!

Инспектори од Надворешната канцеларија за криминалистички работи Гостивар, вчера попладне постапувајќи по насоки на јавен обвинител од Основното јавно обвинителство Гостивар, презедоа итни мерки и активности на терен во село Вруток, поради сомневање за загадување на водата со која се снабдува градот Гостивар. – Постојат основи на сомневање дека Јавното претпријатие „Водовод“, во соработка со Општина Гостивар, поставило три пумпи во корито на истечни отпадни води, преку кои се вбризгувала вода директно во главниот цевковод што го напојува градот. Оваа активност најверојатно била преземена со цел да се зголеми притисокот во мрежата поради недостиг на питка вода, со што директно се загрозува здравјето на граѓаните на Гостивар, информира портпаролот на СВР Тетово, Фатмир Реџепи.
Сите вести од Македонија

Најнови вести

To top