Македонија

Стартува кампањата за локалните избори

Кампањата ќе трае непрекинато до 17 октомври, а кампањата за вториот изборен круг, кој ќе се одржи на 2 ноември, ќе трае до 31 октомври.

1 минута за читање

Државната изборна комисија (ДИК) во петокот го заклучи Избирачкиот список, според кој, право на глас на изборите имаат вкупно 1 832 415 избирачи.

На годинашните локални избори, осми од независноста на државата, има вкупно 309 кандидати за градоначалници и 577 кандидатски листи за членови на општинските совети со вкупно 10 499 кандидати.

Во државата се регистрирани 3 480 избирачки места, од кои во 132 избирачки места се потпишани помалку од десет избирачи. Гласањето за нив, како што соопштија од ДИК, ќе се спроведе на најблиското избирачко место.

На седница пред неколку дена, ДИК со ждрепка го утврди редоследот на гласачкото ливче.

На првите девет места од гласачкото ливче се наоѓаат парламентарните партии и коалиции, редните броеви од 10 до 33 ќе ги заземат вонпарламентарните политички партии и коалиции, а независните кандидатски листи на гласачкото ливче ќе бидат на редните броеви од 34 до 153.

Поврзани теми:

актуелно|избори|ДИК|гласачи|кампања|19 октомври

Повеќе на оваа тема:

Најнови вести од: Македонија

Мицкоски задоволен од средбите со Макрон и Мерц: Процесот на проширување е жив

Премиерот Христијан Мицкоски по Самитот Европска Унија – Западен Балкан во Тиват изјави дека процесот на проширување на Европската Унија останува жив, но дека Македонија нема да прифати нови отстапки без јасен и извесен крај.

(Фото): Реализирани 60% од новиот граничен премин „Маркова Нога – Лемос“

Активностите од грчката страна за изградба на граничниот премин Маркова Нога-Лемос во Преспа се планира да се завршат до февруари 2028. Сепак, ќе видиме како ќе напредува тоа, ова е Балкан, рече евроамбасадорот Михаилс Рокас. Тој заедно со високи државни функционери и претставници на Програма за развој на Обединетите нации (УНДП), ја посетија Преспа по повод Светскиот ден на животната средина. Тиеизвршија и увид врз градежните работи за реконструкција и пуштање во употреба на преминот кај Маркова Нога на македонскиот дел од границата.

Наскоро бесплатен роаминг за македонските граѓани во ЕУ

Проширувањето на зоната без роаминг се претставува како доказ за европската посветеност кон регионот и како уште еден чекор во постепената интеграција на Западен Балкан во европските политики. За многумина аналитичари ваквите мерки се дел од концептот на „интеграција пред членство“ – процес во кој земјите кандидати добиваат пристап до одредени европски политики уште пред формалното зачленување во Унијата.

Режисери на сопственото време: Кога денот добива нова димензија

Модерното живеење нè научи дека вистинската слобода е во изборот. Без разлика дали сте дома, во кафуле или во движење, очекувате вашата забава да биде достапна во секој момент. Можноста да „паузирате“, „премотате“ или да гледате нешто подоцна веќе не е луксуз, туку стандард.

(Фото): Започна Самитот ЕУ-Западен Балкан во Тиват, Црна Гора

Претседателот на Европскиот совет, Антонио Кошта, кој претходно неделава ги посети сите земји од регионот, нагласи дека неговата втора посета на Западен Балкан откако е на оваа функција ја потврдува континуираната посветеност на Европската Унија кон регионот.

Македонските аеродроми рангирани меѓу најбрзо растечките во Европа

Меѓународниот Аеродром Скопје и Аеродромот Св. Апостол Павле Охрид, управувани од ТАВ Македонија, продолжуваат да бележат рекордни нивоа на двоцифрен пораст на бројот на патници. Во првите пет месеци од 2026 година, во периодот јануари – мај, двата македонски аеродроми опслужија 31,2% повеќе патници отколку во истиот период во 2025 година, или вкупно 1,6 милиони патници (1.580.932), додека бројот на летови порасна за 9,5% со вкупно 10.595 опслужени летови.

Жена и маж завршија под автомобил на „дивиот пешачки премин“ кај Бит Пазар (ВИДЕО)

Граѓаните бараат преминот конечно да биде легализиран и соодветно обележан со бели линии, вертикална сигнализација и семафори, со цел да се намали ризикот од нови сообраќајни незгоди и да се зголеми безбедноста на пешаците
Сите вести од Македонија

Најнови вести

To top