Некогашниот вицепремиер за економски прашања Зоран Ставрески од оваа недела си отвори своја фирма – финансиско консултативно биро, како последен во низата поранешни министри за финансии кои се одлучија на ваков чекор да ја понудат својата експертиза на пазарот со овој тип на советодавни услуги, пренесе Фактор.
Ставрески од изминатите денови е сопственик на „Закс Консалтинг Дооел“ во центарот на Скопје, додека истовремено е еден од 17-мината официјални надворешни советници на премиерот Христијан Мицкоски, во неговиот случај за финансии и банкарство.
Откако универзитетскиот професор Трајко Славевски беше официјално предложен за челната функција, стана јасно дека Ставрески нема да ја предводи централната банка. По подолго отсуство од јавниот живот, по локалните избори во 2021 година Ставрески се враќа во партиските тела.
И Драган Тевдовски, првиот министер за финансии во владата на СДСМ, како бизнис консултант ќе се обиде своето знаење и искуство да го пренесе деловнички на клиенти откако пред неколку месеци основа фирма.Тој е втор поранешен министер за финансии од претходната власт кој по политиката ќе се испроба и во бизнис секторот како консултант, откако лани есеноска Фатмир Бесими како главен извршен директор основаше компанија за бизнис консалтинг и услуги. За разлика од Тевдовски и Бесими, кои се универзитетски професори по економија, Ставрески иако има магистерски трудови, но никогаш не бил дел од академските збиднувања во земјата.