Македонија

Тошковски: „Безбеден град“ има цел да спаси животи, а не да казнува

Само за два месеца на годишно ниво бројот на жртви во сообраќајот паднал од 11 на 2 со камерите, вели министерот за внатрешни работи

2 минути за читање

Министерот за внатрешни работи Панче Тошковски ја нагласува превентивната функција на системот „Безбеден град“ во поглед на безбедноста на учесниците во сообраќајот и оти целта на поставените камери на сообраќајниците не е да се казнува.

„Камерите успеаја бројот на починати, како последица на непочитување на сообраќајните правила, на територија на СВР Скопје да го намалат од 11 во декември и јануари минатата година на два смртни случи во декември 2025 и јануари 2026 година, заклучно со 20 јануари. Бројот на повредени лица, како последица на непочитување на сообраќајни правила, споредено за овие 50-тина дена со крајот на 2025 со почеток на 2026 година и крај на 2024 со почеток на 2025 година за истите месеци – декември и јануари – е намален за 35 отсто. Имаме за 35 отсто помалку повредени лица на територија на СВР Скопје компарирано со претходните два месеца“, изјави Тошовски во „Тема на денот“ на Сител ТВ.

Министерот најави дека граѓаните ќе имаат можност да платат на повеќе начини – во банка, со картичка во најблиската полициска станица, преку електронски апликации на банките, а ќе има и посебна апликација изготвена од МВР, со посебна заштита на корисникот.

Тошковски жали што СДСМ не дал поддршка на овој проект, прашувајќи што правела партијата осум години наназад на власт во поглед на безбедноста во сообраќајот.

Поврзани теми:

камери|Панче Тошковски|Сител ТВ|тема на денот|„Безбеден град

Повеќе на оваа тема:

Најнови вести од: Македонија

Интервју: Глупост е Самуил да се враќа во Бугарија, тој таму никогаш и не бил, вели професор Атанасовски

Професорот Александар Атанасовски, чија специјалност е средниот век, вклучително и времето на Византија и Самуиловото Царство, беше гостин во емисијата Радио Точка, во рамки на програмата Хоризонт на Бугарското национално радио БНТ. Централна тема – договорот меѓу Бугарија и Грција за пренесување на наводните коски на цар Самуил од Солун во Софија.

(Фото): Означен стартот на 22. издание на „Виз Ер Скопски маратон“, улиците преполни со учесници

Град Скопје е покровител на спортската манифестација, а градоначалникот вели дека градските служби се подготвени да ја обезбедат потребната поддршка за нејзино успешно одржување.

Пола Скопје ќе биде затворено за сообраќај – стартува 22. издание на „Виз Ер“ Скопскиот маратон

Од Министерството за внатрешни работи апелираат граѓаните да го избегнуваат движењето по овие сообраќајници во периодот од 06:00 до 14:00 часот и да ги почитуваат наредбите на полициските службеници на терен.

(Видео): Државата е енергетски стабилна, се очекува поевтинување на горивата, вели Мицкоски

Државата не е голем потрошувач на гас и постои план за справување со можните предизвици, велат од Владата. Премиерот кажа и дека разговарал со големите нафтени компании. Премиерот очекува и поевтинување на горивата веќе од следната недела.

Во пресрет на грејната сезона – парно, струја, дрва: Што најмногу го празни џебот?!

Најефикасното, но и најскапо современо решение е топлотна пумпа систем воздух-вода. Оваа инвестиција бара помеѓу 6.500 и 9.000 евра, иако потоа месечната потрошувачка на струја за целата куќа е приближна на трошокот за два инвертер уреди. За домаќинствата кои немаат буџет за вакви системи, поставувањето на три поквалитетни инвертер клими со инвестиција од околу 2.500 евра.

Секоја десетта цигара во ЕУ е нелегална, црниот пазар ја опфаќа и Македонија

Предизвик за европските институции не е само растот на нелегалното производство, туку и неусогласениот начин на кој земјите му се спротивставуваат. Националните системи за контрола и спроведување значително се разликуваат, кривичните дела и казните не се доволно хармонизирани, а и натаму постојат празнини во соработката и размената на информации меѓу надлежните институции.
Сите вести од Македонија

Најнови вести

To top