Македонија

Тошковски, Рокас и Григоријан на граничниот премин „Маркова Нога“

Отворањето на граничниот премин ќе донесе нови можности за развој, поврзаност и соработка

Министерот за внатрешни работи Панче Тошковски денеска, заедно со амбасадорот на Европската Унија во Република Северна Македонија, Михалис Рокас и постојаниот претставник на програмата за развој на Обединетите нации (УНПД) Армен Григоријан, извршија увид во активностите за воспоставување на граничниот премин „Маркова Нога“, каде во тек е реализацијата на проектот „Гранична станица Преспанско Езеро: Воспоставување на граничен премин меѓу Грција и Македонија во областа на Преспанското Езеро“.

(Фото): Реализирани 60% од новиот граничен премин „Маркова Нога – Лемос“

При посетата беше констатиран напредокот на активностите за реконструкција и опремување на граничната полициска станица, кои се реализираат во рамки на ИПА Програмата за прекугранична соработка „Грција – Македонија 2021-2027“, со финансиска поддршка од Европската Унија.

Министерот Тошковски истакна дека Министерството за внатрешни работи целосно ги става на располагање своите институционални капацитети за успешна реализација на проектот, кој претставува значаен чекор кон зајакнување на регионалната поврзаност и продлабочување на прекуграничната соработка.

„Овој проект, кој се реализира со поддршка на Европската Унија, е стратешки приоритет за Министерството за внатрешни работи во насока на зајакнување на регионалната поврзаност, продлабочување на прекуграничната соработка и поддршка на европските интегративни процеси. Отворањето на овој граничен премин претставува значаен чекор во насока на јакнење на капацитетите за гранична безбедност и контрола, преку воспоставување на современи и ефикасни механизми за надзор и управување со границата во согласност со европските стандарди“, истакна министерот Тошковски.

На средбата беше нагласено дека отворањето на граничниот премин „Маркова Нога“ ќе придонесе за интензивирање на економската, туристичката и културната соработка меѓу двете држави, како и за подобрување на комуникацијата и секојдневната поврзаност на локалното население од двете страни на границата.

Соговорниците оценија дека проектот има особено значење за развојот на Преспанскиот регион и претставува конкретен пример за успешна европска поддршка во унапредувањето на добрососедските односи и регионалната соработка.

Воспоставувањето на граничниот премин „Маркова Нога“, по повеќе децении од неговото затворање, претставува важен симбол на доверба, соработка и заедничка визија за поврзан и просперитетен регион, во согласност со европските вредности и стандарди.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

To top