Македонија

Централниот Совет на Македонците во Германија: Одлуката на Софија е закана за националната безбедност

Прогласување адвокат што ги брани малцинските права на Македонците за безбедносна закана, е закана за кредибилитетот на Европската Унија

3 минути за читање

Централниот Совет на Македонците во Германија остро го осудува десетгодишниот влезна забрана што бугарските власти му го изрекоа на македонскиот адвокат за човекови права Тони Менкиноски.

Оваа мерка претставува сериозен удар врз слободното вршење на адвокатската професија и отвора суштински прашања за почитувањето на принципите на владеење на правото од страна на една членка на Европската Унија.

За ЦСНГ се работи за напад врз човековите права и владеењето на правото.

,,Тони Менкиноски е меѓународно познат адвокат кој повеќепати ги застапувал правата на македонското малцинство во Бугарија пред Европски суд за човекови права.

Фактот дека адвокат кој ги брани правата на своите клиенти пред европски суд е прогласен за „закана за националната безбедност“ од страна на една членка на Европската Унија претставува алармантен преседан. Таквата одлука може да се протолкува како обид да се попречи правната заштита на малцинските права и да се замолчат критичките гласови”, стои во ставот на организацијата.

Софија прави злоупотреба на европските механизми сметаат Македонците во Германија.

,,Особено загрижува фактот што земја членка на Европската Унија, која истовремено е дел од Шенгенскиот простор, користи безбедносни механизми за да му забрани влез на адвокат за човекови права.

Ваквото постапување е во спротивност со основните европски принципи, меѓу кои:

Повелбата на ЕУ за основните права
Европската конвенција за човекови права
независноста на адвокатурата
како и слободата на движење во рамките на Европската Унија
Ваквите мерки ја поткопуваат довербата во европскиот правен поредок и испраќаат опасна порака до бранителите на човековите права низ цела Европа”, се вели во објавата во која се упатуваат .
Јасни барања до Европската Унија.

Централниот Совет на Македонците во Германија бара:

Итна политичка реакција од Европската комисија предводена од Урсула фон дер Лајен.

Испитување на можноста за покренување постапка за прекршување на правото на ЕУ, доколку се утврди дека адвокат за човекови права е санкциониран од политички причини.

Јасна позиција на германската влада, дека мерки против адвокати кои ги застапуваат своите клиенти пред европски судови се неприфатливи во рамките на Европската Унија.

Според Централниот совет на Македонците во Германија кредибилитетот на Европската Унија е во прашање.

„Доколку една земја членка ги прогласува адвокатите што ги бранат малцинските права за безбедносна закана, тогаш не е доведено во прашање само владеењето на правото во таа држава – туку и кредибилитетот на Европската Унија како заедница на вредности.“

Централниот Совет на Македонците во Германија ги повикува европските институции, организациите за човекови права и демократските сили во Европа да не го игнорираат овој случај. Одбраната на човековите права и независноста на адвокатурата мора да останат неприкосновени принципи во Европската Унија.

Поврзани теми:

топ|Тони Менкиноски|Централниот Совет на Македонците во Германија

Повеќе на оваа тема:

Најнови вести од: Македонија

Илјадници Албанци во Приштина, заради поддршка на припадниците на УЧК, меѓу нив и лидерот на ДУИ Али Ахмети со извик: „Да живее УЧК!“

Во центарот на Приштина се одржа „Марш за слобода“, собир за поддршка на поранешните водачи на ОВК на кои им се суди во Специјалниот суд во Хаг за воени злосторства извршени на Косово и Метохија во текот на 1998 и 1999 година, пишува rts.rs. На својот фејсбук профил лидерот на ДУИ Али Ахмети, кој присуствуваше на овој марш и митинг, објави: „Денес, во Приштина марширавме за слобода и во поддршка на Ослободителите. Албанскиот народ ги прогласи како невини Хашим Тачи, Кадри Весели, Јакуп Красниќи и Реџеп Селими. Да живее УЧК!“

„Н.М“: Фашизам е обидот на Костадинов и „Преродба“ да го прогласат македонскиот јазик како бугарски!

Лидерот на бугарската радикална десница Преродба, Костадин Костадинов, во бугарското Народно собрание официјално поднесе иницијатива со која бара македонскиот јазик со законски и институционален акт да биде третиран единствено како „бугарски дијалект“. (!?) Ова не е инцидентен настап на Костадинов, туку континуирана платформа на неговата партија Преродба, која преку негирање на македонскиот национален супстрат демонстрира класични фашизоидни елементи, собирајќи евтини политички поени на домашната сцена. Ова се нагласува во политичката анализа со наслов „Анатомија на една фашизоидна провокација“, која ја објави денес весникот „Нова Македонија“. 

За Лант е „глупаво прогласувањето на македонскиот како бугарски јазик“ – дали Костадинов го стори тоа како кандидат за претседател на Бугарија?!

„Бугарските научници, кои тврдат дека концептот на македонски јазик бил непознат пред Втората светска војна, или кои продолжуваат да тврдат дека македонскиот јазик не постои, изгледаат не само нечесно, туку и смешно и глупаво! Грчките  научници, кои изнесуваат слични тврдења, покажуваат арогантно незнаење за своите словенски соседи!“ – има констатирано авторот на „Граматиката на македонскиот книжевен јазик“ американскиот славист Хорас Лант во своја научна статија во 1984 година реагирајќи на постојаните негирање на постоењето и самобитноста на македонскиот јазик. Лант е роден на денешен ден, на 12 септември 1918, а починал на 11 август 2010 година. Денешното навршување на 108-та годишнина од раѓањето на овој светски признат лингвист е повод да се осврнеме од гледна точка на неговите македонистички истражувања на политичкиот театар, кој го приреди вчера во бугарскиот парламент Костадин Костадинов, лидерот на бугарската ултрадесничарска и националистичка партија „Преродба“. Како пратеник Костадинов поднесе иницијатива македонскиот јазик да биде прогласен и да биде третиран како бугарски јазик. Кажаното од Лант важи денес во иста и целосна мера и за Костадинов: нечесна е и смешна и глупава оваа негова иницијатива за јазикот, кој сиот научен свет го познава и го признава како македонски јазик – идентитетски столб на македонскиот народ.

Битола ја одбележа 84-тата година од смртта на народниот херој Стив Наумов, заедно со народниот херој Мите Богоевски загинати во борба со бугарската полиција

По повод годишнината од смртта на Народниот херој Стив Наумов, делегации од Битола денеска положија цвеќе и се поклонија пред неговиот споменик на Широк Сокак.

Македонското друштво “Илинден“-Тирана најостро ги осудува обидите на Софија за злоупотреба на здравјето на Македонците во Пустец, за да ги бугаризира!

„На 11 септември 2026 бугарски лекари вршеле прегледи во државна амбуланта во Пустец. Бугарската држава со години врши невиден притисок врз Македонците во Република Албанија. На Македонците низ цела Република Албанија им е јасно дека акцијата за бесплатни прегледи треба да биде дополнителна мамка за населението во областа Преспа за негово изјаснување како Бугари.“ – реагира во најостра форма Македонското друштво “Илинден“-Тирана .

Мицкоски: Граѓаните сѐ уште ги плаќаат сметките од бандитските, криминални и ненационални политики на владите на Заев и Ковачевски!

Сметките од работењата на претходните влади на Зоран Заев и Димитар Ковачевски и како тие се справуваа со кризата денес ги плаќаат граѓаните, и не дај Боже некогаш повеќе на Македонија да ѝ се повторат такви влади, изјави премиерот Христијан Мицкоски.
Сите вести од Македонија

Најнови вести

To top