Туфегџиќ посочи дека очекувал честитки и поддршка од судските власти, како и од Советот на јавни обвинители, имајќи предвид дека Савески доаѓа од судиската функција и има искуство и како јавен обвинител. Според него, токму ваквиот професионален профил носи потенцијал за промена на досегашните практики и за наметнување нов пристап во функционирањето на обвинителството. „Јавното обвинителство предолго е затворено само во себе и нема контакт со реалноста. Кога системот е затворен, не може да ги согледа сопствените слабости.“ – нагласува Туфегџиќ.
Тој се залага за законски измени, со кои би се овозможил поголем протек на кадри меѓу различните делови на правосудниот систем, вклучително и судиите, обвинителите и адвокатите. „Потребно е внесување ‘свежа крв’ – барем 10 проценти префрлање кадар меѓу институциите. Тоа е здраво за развој и носи нова перспектива.“ – истакнува Туфекџиќ. Според него, дополнителен аргумент во оваа насока е тоа што, согласно со светските стандарди, промената на работната средина на секои десет години придонесува за професионален развој и нови идеи.