Основното јавно обвинителство во Скопско покрена постапка против 60-годишен маж осомничен за кривично дело – Тешка кражба по член 236 став 1 точка 3 од Кривичниот законик.
Кражбата била извршена на Клиниката за радиотерапија и онкологија.
Крадецот ја искористил небрежноста на пациент од Велес, му ставил рака во џеб и зел 300 евра и 28.000 денари.
Пациентот подоцна забележал дека му се украдени парите и го пријавил тоа во Полиција.
Сторителот бил идентификуван од снимките од болничките камери.
„Со оглед на тоа што сторителот на кривичното дело претходно бил осудуван, како и храброста со која сега го сторил кривичното дело во медицинска установа каде во исто време голем број пациенти во тешка состојба, вклучувајќи го и оштетениот, чекале да примат терапија од која зависел нивниот живот, јавниот обвинител му предложил на судијата на претходна постапка да му изрече мерка притвор на осомничениот. Решението за притвор веќе е прифатено од судот“, соопшти Јавното обвинителство.