Наместо грижа и почит, сведочиме на несовесно однесување и уништување, наведуваат од општина Аеродром откако била искршена урбаната опрема, оштетена е фонтаната, а обиена е и чуварската куќа во паркот кој неодамна беше обновен.
Општина Аеродром најостро го осудува синоќешниот вандалски чин во паркот „Бановина“, каде што беше брутално уништена заедничката сопственост на сите граѓани. Искршена е урбаната опрема, оштетена е фонтаната, а обиена е и чуварската куќа, дознава Скопје Инфо.
Паркот „Бановина“ неодамна беше целосно обновен, со нова, современа урбана опрема за уживање на сите генерации.
Додаваат дека ваквите постапки нема да бидат толерирани, а случајот е веќе пријавен во полиција.
Општина Аеродром упатува апел до граѓаните: „да го чуваме она што е наше, да пријавуваме вандализам и да покажеме дека сме зрела и одговорна заедница“.