За Огнен Вангелов, доктор на политички науки, екс член на историската комисија со Бугарија и универзитетски професор е многу интересно и мора да се забележи што поранешниот бугарски премиер Денков изјавил дека „ние ја тргнавме историјата целосно надвор од сликата“ во 2022 година.
Според Вангелов ова Бугарија го кажува во момент кога Бугарија е доведена во непријатна позиција пред светска публика на Светскиот безбедносен форум во Прага.
,,Ако е така, тогаш Бугарија немаше постојано да нагласува, и во јавни изјави и во институционални документи, дека историјата е дел од процесот.
Токму пред два дена бугарското МНР ова категорично го потврди: „Протоколот е неразделен дел од македонската преговарачка рамка со ЕУ“, вели Вангелов.
Вангелов потсети дека лани бугарското Собрание донесе едногласна резолуција во која исто така категорично вели дека Протоколот е дел од македонската рамка со ЕУ а дека при усвојување на францускиот пакет во 2022, Собранието повторно тврдеше дека Протоколот е дел од рамката со ЕУ.
Според Вангелов точките 2 и 3 од „вториот протокол“ директно ја дискутираат Историската комисија како услов за напредок, нејзината работа да заврши до членството во ЕУ, архивите, недефинираниот „говор на омраза“ и други прашања поврзани со историјата.
,,Сите овие позиции се идентични, вклучително и последната објава на бугарското МНР. Дополнително, во резолуцијата од 2022 со која бугарското Собрание го прифати францускиот предлог се истакнува дека Бугарија не го признава македонскиот јазик во каков било документ на ЕУ.
Нема тука никакви мистификации. Денков многу добро знае што содржи „вториот протокол“. Но кога на јавна сцена ова се разоткрива, а Бугарија е доведена во непријатна позиција, тогаш се посегнува кон манипулација дека „историјата не е дел од процесот“. Ако навистина не е, тогаш зошто Вториот протокол е толку важен за Бугарија? Сигурно не поради првата точка која покрива технички прашања од економија, земјоделство, трговија, финансии, иновации, туризам итн., туку токму поради точките 2 и 3.
Точка 2 е целосно посветена на Историската комисија, а точка 3 на мерките што Македонија треба да ги презема во однос на уставните измени, „говорот на омраза“, „прашањето за историјата“, архивите, и особено важно — „Историската комисија да ја заврши својата работа до членството на Македонија во ЕУ“, вели Вангелов.
Според него нема никаква дилема дека за Бугарија историјата е апсолутно дел од процесот преку Вториот протокол, освен кога треба да се манипулира пред европската и светската јавност за да се избегнат критиките.
Вангелов го објави видеото од кавгата меѓу Брнабиќ и Денков