Натаму весникот пишува: Венко Филипче и дојденците во партијата од врвот на раководството како Андреј Жерновски и Фани Каранфиловска не се воопшто присутни во македонската политика. Тие се фокусирани на соработка со српската опозиција од каде добиват логистика и насоки и секој втор прес и соопоштение им е поврзано со напади врз српскиот претседател Александар Вучиќ, само патем поврзувајќи го него со сегашната македонска власт за да се добие пофалба од европските либерали од кои и граѓаните на ЕУ на избори се откажуваат и побара помош од нив за поддршка на СДСМ во соборување на владата на Христијан Мицкоски.
Единствената политичка понуда од СДСМ до европските либерали е: помогнете да ја собориме владата на Мицкоски и ние ќе ги исполниме бугарските услови. Но, тие услови не се прифатливи за Македонците и тука настанува судир и блокада на СДСМ. СДСМ одработува политики за трет на своја штета, без никакво позитивно влијание врз македонските прилики и животот на македонските граѓани. СДСМ издаде околу 200 пасоши, државен фалсификат, на меѓународни криминалци од Србија, Црна Гора и Косово со што Македонија стана покровител и заштитник на балканската мафија, а Заев и партиската мафија таа соработка со балканските дилери ја наплатија за себе преку издавање лиценци за плантажи со марихуана. Заев и Филипче видоа дека со мафијата од Црна Гора, Косово и Србија се заработува повеќе и ја одбраа таа страна. И умствено и политички тие им се поблиски. Таа мафијашка српска и балканска соработка со Заев и Филипче загуби на изборите. И во Македонија, а загуби и во Србија. За поразот во кланот на Заев и Филипче жалат и плачат и бараат виновници, бараат враќање на претходната состојба. Бараат смена на Мицкоски и Вучиќ и во тоа се поддржани од балканската мафија која во нив гледа дел од својот тим.
Дали е случајно што протестите на “студентите“ во Србија беа финансиски и оперативно поддржани од црногорскиот Кавачки клан, кој оперира низ Европа со македонските пасоши, издадени од Оливр Спасовски? Дали е случајно што лидерите на српската опозиција кои соработуваат со Кавачки клан се ментори на Венко Филипче и СДСМ за во Македонија да се создава амбиент како што го создаваа, неуспешно, десет месеци во Србија? На тие насилни протести во Србија, заедно со Кавачки клан, учествуваа и десетици од “невладиниот сектор“ на СДСМ. Беа на обука и практична настава. И требаат ли на Македонија слики и снимки на палења, тепања, пукања какви што десет месеци гледавме во Србија? Дали и за која цел таа српска опозиција и Кавачки клан регрутираа последниве година дена дваесеттина млади од Македонија за обука во Србија. Обука за насилни активности, бомбашки акции и пукање, при што едно од тие млади лица загина од бомба, две лица се во бегство по обид за атентат врз еден белградски адвокат и врз црногорски припадник на спротиставениот мафијашки клан. По извршената обука на тие млади до Макеоднија нивна задача е да се вратат и внесат насилен елемент во македонското општество и политика – за потреби на СДСМ, партнерот на мафијашките кланови. Тоа ли е “новата политика“ на СДСМ? Да – тоа е.
Таа “нова политика“ на Заев и Филипче наиде на отпор и во самата партија. Ниту еден угледен член на СДСМ не ја прифати. Сите кои дале барем изјава против таа “нова“ пробугарска и мафијашка “политика“ Филипче ги прогласи за предавници и, во недостаток на угледни имиња во партијата во раководството наметна страно тело: пропаднати лидери на партиските “невладини“ организации и шкартот од други партии како Андреј Жерновски.
Денес СДСМ – не е СДСМ. Политичката партија под тоа име не постои, наративот кој некогаш беше СДСМ е преселен и го има кај ЗНАМ. Според политички, интелектуален и стручен капацитет ЗНАМ е институција за “шареното“ друштво и мафијата која е влезена во СДСМ.
И Филипче не се ни труди да го сокрие тоа. Напротив. Тој со Заев тера лични бизниси и естрада. Од носител на златна бизнис виза од Арапските Емирати не се ни очекува политика. Нема ниту еден политички лидер во Европа, од Казахстан до Исланд, кој е носител на арапска златна бизнис виза а да го прифатила јавноста како сериозен политичар. И на Први Мај, денот на работниците, лидерот на начелно социјалната партија СДСМ замина на шопинг и забава. Уште во четврток, да ја избегне гужвата, во 14:52 одлета за Франкфурт, а каде понатаму – е небитно.
Битно е дека повторно не е тука, со гласачите. Очекувајте да видите нови слики на Филипче во скапи хотели, јахти, уште поскап шопинг или турбо забава. Ќе следат нови партиски соопштенија, клевети, следат “стручни“ анализи на извесен анонимус Кузевска и пропаднатиот политички дојденец Андреј Жерновски како во Македонија нема демократија и мора итно да се прифати бугарското вето, а тоа го можат само тие – заклучува „Вечер“ во својата анализа.