Македонија

Вечерва се очекуваат деталите за реконструкцијата на Владата

Мицкоски: Со „Вреди“ и ЗНАМ постои договор за ресорите

По седницата на Извршниот комитет на ВМРО-ДПМНЕ, вечерва околу 20 часот се очекува да бидат објавени промените што произлегуваат од реконструкцијата на Владата.

Премиерот Христијан Мицкоски вчера изјави дека со коалициските партнери „Вреди“ и ЗНАМ постои принципиелен договор за распределба на ресорите, но дека конечните персонални решенија ќе бидат соопштени по партиската седница.

Тој истакна дека досега се разговарало само за начелна поделба на министерствата, а не за конкретни имиња. Мицкоски најави дека реконструкцијата на Владата, заедно со ребалансот на буџетот и евентуални реформски закони, треба да се реализира во текот на овој месец. Собранието во август ќе оди на летен одмор, по што активностите ќе продолжат во септември.

Според информации од коалициските партнери, „Вреди“ треба да раководи со повеќе министерства, меѓу кои за животна средина, економија, правда, евроинтеграции, култура и односи меѓу заедниците. Од ЗНАМ најавуваат дека ќе добијат две министерства.

Познато е дека Арбен Фетаи, досегашен вицепремиер за добро владеење, нема да биде дел од новиот владин состав. Се најавуваат и можни промени во дел од министерските позиции, но официјална потврда за имињата сè уште нема.

Реконструкцијата, според премиерот Мицкоски, не се прави само поради досегашните резултати, туку и поради промена на приоритетите. По објавата на предлог-составот, истиот ќе биде доставен до Собранието, по што следува собраниска процедура за избор на новата Влада.

Најнови вести од: Македонија

Ахмети: Балканските криминалци соработуваат, но не и политичарите

„Трагедијата е во тоа што народите и политичарите кои ги претставуваат – и Македонците, и Албанците, и Србите – не успеваат да соработуваат за да изградат мирен Балкан и посигурна иднина за сите нас“, вели лидерот на ДУИ

Аларм: Секое 10-то дете во Македонија изложено на сексуална злоупотреба на интернет

Секое десетто дете во Македонија на возраст од 12 до 17 години коешто користело интернет било изложено на сексуална експлоатација и злоупотреба. Станува збор за околу 12.000 деца, бројка што ја потврдува и последното истражување на УНИЦЕФ.

(Видео): Проблемот со кравите во Крива Паланка стигна до Обвинителството – Општината поднесе кривични пријави

Крива Паланка, заедно со жителите од засегнатите села, поднесоа неколку кривични пријави до Обвинителството поради институционално непостапување по извршни решенија за одземање на добитокот што слободно шета во градот и пошироко.

To top