Премиерот Христијан Мицкоски најави почеток на активности за реализација на одамна ветуваниот експресен пат Кочани–Виница–Делчево.
„Следната недела ќе биде распишан јавен повик за изработка на физибилити студија на претпроектно решение, со што практично отпочнуваме со реализација на овој проект. Тоа е процес од неколку месеци, а потоа со средства од буџетот и во соработка со меѓународни финансиски институции ќе биде објавен тендер за реализација на овој проект, којшто ќе биде многу значен, којшто е ветуван со години, но еве дојде ред да се реализира“, изјави претседателот на Владата.