Да бидам убиен со оружјето што го целивам ако ја предадам Македонија, ова е дел од заклетвата на Илинденски коњаници кои во петокот тргнаа од Скопје а денеска во Бигорскиот Манастир беа дочекани со молитва од свештениците и со аплауз од насобраниот народ.
Коњаниците од Здружената коњаница ,, Бигорски Манастир – Патот на Патот на Црешовото Топче“ кои се симбол на оддавање почит кон илинденските идеали, на Илинденскиот марш тргнаа во петок во 18:30 часот со традиционалниот хепенинг во паркот во Ѓорче Петров.
Традиционално за Илинден од повеќе градови на Македонија кон Мечкин Камен тргнуваат коњаници како што тоа го правеле нивните претци пред 122 години.
Денеска по стотина километри минати низ скопско, полошко и многу планински патеки оваа дружина беше пречекана со молитва во македонското духовно светилиште црквата Свети Јован Бигорски по што во дворот дадоа заклетва дека нема да ја предадат Македонија и ќе ги следат идеалите на организацијата.
Учесниците во оваа илинденска иницијатива започната во 2010 година се ентузијасти и поддржувачи на македонското револуционерното минато.
Оваа коњаница е составена од претставници од Гостиварско, Скопско, „Илинден“ од село Радово – Струмица, „Костурска чета“ – Битола, како и коњаници од Крушевско, Демир Хисарско, Кавадаречко, Кичевско и Штипско. Секој од нив го дава својот придонес во одржувањето на сеќавањето на Илинденското востание и борбата за слобода на Македонија.
Коњаниците денеска продолжија кон селото Јанче ….
Меѓу тие што дадоа заклетва има и двајца коњаници од селата Стенче и Тумчевиште кои оваа заклетва во Бигорскиот Манастир ќе ја помнат вечно.
Продолжува