Македонија

(Видео): Има индиции дека постои сериозна злоупотреба со проценките на данок на имот во Град Скопје

Во однос на 500-тината вработени на кои им го прекина работниот однос првиот ден како градоначалник, Ѓорѓиевски рече дека тоа граѓаните ги чинело годишно околу пет милиони евра што значи дека „губеле по два Луна парка во еден градоначалнички мандат“ со оглед дека новиот Луна парк, за кој тендерот ќе биде распишан до петок како што претходно најави, ќе чини околу 10 милиони евра.

3 минути за читање

Има одредени индиции дека постои сериозна злоупотреба со проценките на данок на имот во Град Скопје, изјави градоначалникот на Град Скопје Орце Ѓорѓиевски, посочувајќи дека стручни служби веќе се влезени и испитуваат како на пример, одредени објекти наместо да плаќаат за површина од 20 илјади квадрати, плаќаат данок на имот само за 500 квадрати површина.

Ѓорѓиевски, во гостувањето во дневникот на Сител, изјави дека веќе имале неколку последователни состаноци со Управата за финансиска полиција, нагласувајќи дека „сериозно се занимаваат и со јавните претпријатија и состојбите таму, но и со состојбите во Градот Скопје“, изразувајќи надеж дека во наредниот период конечно ќе има исход од сите тие постапки коишто во минатото нанеле сериозни штети на јавните претпријатија и Градот Скопје.

  • Проценките на данок на имот, има одредени индиции кај нас, да не бидам попрецизен и кажам дека имам сигурни информации. Има стручни служби и веќе се влезени да го испитуваат тоа, на пример, како на одредени објекти наместо да плаќаат за површина од 20 илјади квадрати во Градот Скопје, на некого му текнало во секторот, можеби насочен од некој друг, да се плаќаат само за 500 квадрати површина данок на имот. Тоа е сериозна злоупотреба и на крајот на денот сметката за тоа ја плаќаме сите ние, граѓаните, изјави Ѓорѓиевски.

Има, нагласи Ѓорѓиевски, многу ниска наплата на данок на имот и најави дека од наредната година започнуваат со проект за нова репроценка на данокот на имот.

  • По она што го имаме како првична информација околу 40 милиони евра на годишно ниво се загубите, што се енормни загуби на ниво на Град Скопје, изјави Ѓорѓиевски.

Ѓорѓиевски, исто така, рече дека денска имал средба и со стопанствениците на ресторани и кафеани во Градот Скопје и дека над 95 проценти од сопствениците на локали пет години наназад не им биле регулирани односите за користење на локалите.

  • Едноставно, системот не функционирал. Затоа недостасуваат и средства во буџетот, затоа е состојбата алармантна не само со јавните претпријатија, туку и со Градот Скопје во однос на финансиите, изјави Ѓорѓиевски.

Ѓорѓиевски, меѓу другото, изрази убеденост дека може градот да го исправат на здрави нозе и нагласи дека не работи сам и оти има сериозно добар тим, што е зад него и помага.

Во однос на 500-тината вработени на кои им го прекина работниот однос првиот ден како градоначалник, Ѓорѓиевски рече дека тоа граѓаните ги чинело годишно околу пет милиони евра што значи дека „губеле по два Луна парка во еден градоначалнички мандат“ со оглед дека новиот Луна парк, за кој тендерот ќе биде распишан до петок како што претходно најави, ќе чини околу 10 милиони евра.

Поврзани теми:

топ|Орце Ѓорѓиевски|вработени|Град Скопје|злоупотреба

Повеќе на оваа тема:

Најнови вести од: Македонија

Илјадници Албанци во Приштина, заради поддршка на припадниците на УЧК, меѓу нив и лидерот на ДУИ Али Ахмети со извик: „Да живее УЧК!“

Во центарот на Приштина се одржа „Марш за слобода“, собир за поддршка на поранешните водачи на ОВК на кои им се суди во Специјалниот суд во Хаг за воени злосторства извршени на Косово и Метохија во текот на 1998 и 1999 година, пишува rts.rs. На својот фејсбук профил лидерот на ДУИ Али Ахмети, кој присуствуваше на овој марш и митинг, објави: „Денес, во Приштина марширавме за слобода и во поддршка на Ослободителите. Албанскиот народ ги прогласи како невини Хашим Тачи, Кадри Весели, Јакуп Красниќи и Реџеп Селими. Да живее УЧК!“

„Н.М“: Фашизам е обидот на Костадинов и „Преродба“ да го прогласат македонскиот јазик како бугарски!

Лидерот на бугарската радикална десница Преродба, Костадин Костадинов, во бугарското Народно собрание официјално поднесе иницијатива со која бара македонскиот јазик со законски и институционален акт да биде третиран единствено како „бугарски дијалект“. (!?) Ова не е инцидентен настап на Костадинов, туку континуирана платформа на неговата партија Преродба, која преку негирање на македонскиот национален супстрат демонстрира класични фашизоидни елементи, собирајќи евтини политички поени на домашната сцена. Ова се нагласува во политичката анализа со наслов „Анатомија на една фашизоидна провокација“, која ја објави денес весникот „Нова Македонија“. 

За Лант е „глупаво прогласувањето на македонскиот како бугарски јазик“ – дали Костадинов го стори тоа како кандидат за претседател на Бугарија?!

„Бугарските научници, кои тврдат дека концептот на македонски јазик бил непознат пред Втората светска војна, или кои продолжуваат да тврдат дека македонскиот јазик не постои, изгледаат не само нечесно, туку и смешно и глупаво! Грчките  научници, кои изнесуваат слични тврдења, покажуваат арогантно незнаење за своите словенски соседи!“ – има констатирано авторот на „Граматиката на македонскиот книжевен јазик“ американскиот славист Хорас Лант во научна статија во 1984 година реагирајќи на постојаните негирање на постоењето и самобитноста на македонскиот јазик. Лант е роден на 12 септември 1918, а починал на 11 август 2010 година. Навршувањето на 108-та годишнина од раѓањето на овој светски признат лингвист е повод да се осврнеме од гледна точка на неговите македонистички истражувања на политичкиот театар, кој го приреди во бугарскиот парламент Костадин Костадинов, лидерот на бугарската ултрадесничарска и националистичка партија „Преродба“. Како пратеник Костадинов поднесе иницијатива македонскиот јазик да биде прогласен и да биде третиран како бугарски јазик. Кажаното од Лант важи денес во целосна мера и за Костадинов: нечесна е и смешна и глупава оваа негова иницијатива за јазикот, кој сиот научен свет го познава и го признава како македонски јазик – идентитетски столб на македонскиот народ.

Битола ја одбележа 84-тата година од смртта на народниот херој Стив Наумов, заедно со народниот херој Мите Богоевски загинати во борба со бугарската полиција

По повод годишнината од смртта на Народниот херој Стив Наумов, делегации од Битола денеска положија цвеќе и се поклонија пред неговиот споменик на Широк Сокак.

Македонското друштво “Илинден“-Тирана најостро ги осудува обидите на Софија за злоупотреба на здравјето на Македонците во Пустец, за да ги бугаризира!

„На 11 септември 2026 бугарски лекари вршеле прегледи во државна амбуланта во Пустец. Бугарската држава со години врши невиден притисок врз Македонците во Република Албанија. На Македонците низ цела Република Албанија им е јасно дека акцијата за бесплатни прегледи треба да биде дополнителна мамка за населението во областа Преспа за негово изјаснување како Бугари.“ – реагира во најостра форма Македонското друштво “Илинден“-Тирана .

Мицкоски: Граѓаните сѐ уште ги плаќаат сметките од бандитските, криминални и ненационални политики на владите на Заев и Ковачевски!

Сметките од работењата на претходните влади на Зоран Заев и Димитар Ковачевски и како тие се справуваа со кризата денес ги плаќаат граѓаните, и не дај Боже некогаш повеќе на Македонија да ѝ се повторат такви влади, изјави премиерот Христијан Мицкоски.
Сите вести од Македонија

Најнови вести

To top