Македонија

(Видео) Карпош подготвува богато културно лето – настапуваат „Нокаут“, Џамбазов, Дац и Александар

Богата музичка, културна и забавна програма ќе понуди годинашното издание на „Карпошово културно лето“,

Богата музичка, културна и забавна програма ќе понуди годинашното издание на „Карпошово културно лето“, кое ќе се одржува во текот на август, најави градоначалникот на Општина Карпош, Сотир Лукровски.

Во рамките на програмата, на 20 август во 11:00 часот, во холот на Општина Карпош ќе биде отворена изложба на плакати од театарски претстави на Горан Стефановски. Во неговата лична колекција се пронајдени 25 плакати од различни претстави изведувани во земјава и во странство, кои сведочат за разновидноста на неговите текстови, нивниот богат уметнички живот и значењето на неговиот опус.

Истиот ден, во 19:00 часот, во „Сити мол“ ќе биде поставена патувачката изложба „ReART“, која ќе може да се види на неколку локации во Карпош – во „Сити мол“, на платото кај Млечен и во холот на општинската зграда. Проектот се реализира во соработка со „Нула отпад“.

Свеченото отворање на „Карпошово културно лето“ ќе се одржи на плоштадот „Делфина“, со почеток во 20:00 часот. За музичкиот дел од вечерта се најавени настапи на ди-џеј, Александар Тарабунов – Тара и една од најпопуларните македонски групи „Нокаут“.

Програмата продолжува в петок, 21 август. Во 12:00 часот, во галеријата на Кинотеката ќе биде отворена изложба на Детскиот ликовен центар, која посетителите ќе можат да ја разгледаат до 31 август. Ќе бидат претставени дела на десет академски ликовни уметници, од кои осум од Македонија и двајца од Србија.

Во 12:30 часот е закажана промоцијата на книгата „Зоја“ од авторката Јоана Шишкова, додека вечерната програма на плоштадот „Делфина“ ќе започне во 19:00 часот со настап на учесниците на детскиот фестивал „Поточиња“.

Во 20:00 часот ќе настапи пензионерскиот хор „Карпош“, а еден час подоцна публиката ќе може да ужива во настапот на „Тумбао салса бенд“ со Сашо Гигов – Гиш, насловен „Џипси најт“.

Истиот ден, во дворот на ООУ „Петар Поп Арсов“, со почеток во 20:00 часот ќе се одржи кино на отворено, каде што ќе биде прикажан филмот „Приказната за Силјан“.

Во продолжение на „Карпошово културно лето“ се најавени и журка на ФИНКИ, детска работилница, меѓународен фолклорен фестивал, како и евергрин-вечер со Дац и Александар.

Пред карпошани ќе настапат и Игор Џамбазов и Гуру Харе, додека за љубителите на народната музика се најавени Душко Георгиевски, Зуица Лазова и Миле Кузмановски.

Со музички настапи, изложби, филмски проекции, промоции, детски содржини и фолклор, годинашното издание носи програма наменета за различни генерации и вкусови.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

To top