Натаму владејачката македонска партија истакнува: Заев беше тој кој велеше дека Бугарите биле ослободители а не фашисти, дека биле администратори, дека македонскиот јазик е после 44-та итн. Венко Филипче и денес има идентичен став со бугарската политика, прво Бугари во Устав, а после сѐ друго.
Тоа се мотиви на една срамна и предавничка политика, јавно етаблирана во Преспанскиот договор и Бугарскиот договор за добрососедство, кои се една иста страна од паричката.
Во однос на удирањето во гради со пренесување на моштите на Цар Самоил во Бугарија, ќе потсетиме дека англискиот крал Ричард I е во Франција, иако тоа не го прави французин. Притоа ќе потсетиме и на мудриот потег на Бугарија во минатото кога моштите на Гоце Делчев ги предаваат на Македонија. Добро е да објасни тогаш што е Гоце Делчев за нив и бугарските гласноговорници?
За нас, за разлика од Заев, Филипче или Каракачанов, вистината е дека е тој еден од најсветлите ликови во македонската историја. Таа мудрост ја нема официјална Софија, но истовремено ја поздравуваме возбудата, со која Бугарија го почитува делото на Цар Самоил кој има неизбришива трага за Македонија, порачува ВМРО ДПМНЕ во својата реакција кон Красимир Каракачанов.