Македонија

Кога би бил премиер, Каракачанов би ѝ ставил вето на Македонија додека на власт е Мицкоски

Поранешниот бугарски вицепремиер и министер за одбрана Красимир Каракачанов на тамошната телевизија Бугарија он ер уште еднаш се произнесе за својата омилена тема „Македонија“, овојпат изразувајќи нескриен анимозитет кон претседателот на македонската Влада, Христијан Мицкоски. „Со оглед на политиката што (Владата на Македонија – н.з.) ја води за оцрнување и навредување на Бугарија, Бугарија мора […]

Поранешниот бугарски вицепремиер и министер за одбрана Красимир Каракачанов на тамошната телевизија Бугарија он ер уште еднаш се произнесе за својата омилена тема „Македонија“, овојпат изразувајќи нескриен анимозитет кон претседателот на македонската Влада, Христијан Мицкоски.

„Со оглед на политиката што (Владата на Македонија – н.з.) ја води за оцрнување и навредување на Бугарија, Бугарија мора да биде многу радикална. Да си влеземе во нашите улоги, бидејќи не се кандидира Бугарија за членство, туку Скопје. Да бев бугарски премиер, по оваа пресуда (на Љупчо Георгиевски, претседател на избришаниот клуб „Ванчо Михајлов“ од Битола – н.з.) директно би изјавил дека ги прекинуваме преговорите и ставаме вето на Македонија додека со неа управува владата на Христијан Мицкоски“, изјави лидерот на вонпарламентарната партија ВМРО-БНД.

„Властите во Скопјe нема да се придржуваат кон ништо, бидејќи гледаат дека бугарската држава не постои. Тие гледаат дека бугарските политичари се преокупирани со тоа кој може да украде повеќе од сопствената држава. Тие не ги штитат интересите на Бугарите во Бугарија. Многу добро гледаат дека на темата ‘Македонија’ бугарските политичари, вклучувајќи ја и последната влада, го прават она што им се кажува некаде од Брисел или она што некој функционер ги советува – или од Брисел или од некоја амбасада“, категоричен е Каракачанов.

Најнови вести од: Македонија

(Видео): Вози како да е нормално во спротивна насока среде Партизанска – автомобилот и покрај се продолжува да вози

На видеото се гледа како возачот ја намалува брзината додека се разминува со два автомобили, а потоа повторно забрзува. Се очекува МВР да соопшти дали прекршокот е регистриран преку „Безбеден град“.

Од пад од 5% до раст од 5,2% – СДСМ да ги погледне статистичките податоци за платите, велат од ВМРО-ДПМНЕ

ВМРО-ДПМНЕ се повика на податоците на ДЗС според кои просечната нето-плата во септември изнесувала 49.141 денар, со номинален годишен раст од 8,1 отсто и реален раст од 5,2 отсто. Во септември 2022 година реалната нето-плата бележела пад од пет проценти.

Охриѓани со порака: Насилството не е проблем на една личност, тоа е заеднички проблем

Љупчo Ѓорѓиески, таткото на 26-годишна Сара Ѓорѓиеска која нејзиното момче Кристијан Корабоски на 15 ноември ја претепа до бесознание и ја остави на улица во Охрид, денеска со нејзина фотографија на која ѝ се гледаат модрици по лицето се приклучи на охридскиот протест против насилството врз жените и фемицид.

To top