Македонија

ВМРО-ДПМНЕ: Коцевски ја бетонира позицијата партиски извршител на СДС и ДУИ

Обвинителската служба на Коцевски одамна не е инструмент на правдата, туку е гарант за удобен имунитет за сите блиски до Филипче, Заев и сличните

„На обвинителската маса на Коцевски наместо правда, има партиски список за заштита од одговорност на функционерите на СДС и ДУИ.

Пред очите на целокупната јавност се потврди причината зошто не се отвораат предмети, не се покренуваат обвиненија и покрај очигледните сомнежи за корупција и криминал и зошто предметите се кријат во фиока или заглавуваат низ обвинителските лавиринти“ велат од ВМРО-ДПМНЕ.

Од владејачката партија велат дека кај обвинителт Љубомир Коцевски не постои морална вертикала ниту пак професионална одговорност за самиот да си поднесе оставка.

„Коцевски не реагира на фактот што довербата кај народот е помалку од 2 проценти, ниту пак дека му е изгласана интерпелација во Собранието. Коцевски ја држи во заложништво правдата и владеењето на правото во државата.

Со што се задолжи толку Коцевски кај СДС и ДУИ што и покрај недовербата кај народот и интерпелацијата не поднесува оставка? –  прашуваатод ВМРО-ДПМНЕ во денешното соопштение во кое уште еднаш бараат републичкиот обвинител да си поднесе оставка.

„Обвинителската служба на Коцевски одамна не е инструмент на правдата, туку е гарант за удобен имунитет за сите блиски до Филипче, Заев и сличните.

Коцевски не смее да даде оставка бидејќи сега им е најпотребен на СДС и ДУИ, им треба, за да им обезбеди правна хибернација на тие од врвот на СДС што сега уживаат во мирно политичко пензионирање наместо да се во судските сали.

Коцевски не дава оставка бидејќи ги чува предметите за СДС и ДУИ да фаќаат прашина.

Обвинителот кој штити политичари треба да си замине од позицијата“ се вели во соопштението.

Најнови вести од: Македонија

Ахмети: Балканските криминалци соработуваат, но не и политичарите

„Трагедијата е во тоа што народите и политичарите кои ги претставуваат – и Македонците, и Албанците, и Србите – не успеваат да соработуваат за да изградат мирен Балкан и посигурна иднина за сите нас“, вели лидерот на ДУИ

Аларм: Секое 10-то дете во Македонија изложено на сексуална злоупотреба на интернет

Секое десетто дете во Македонија на возраст од 12 до 17 години коешто користело интернет било изложено на сексуална експлоатација и злоупотреба. Станува збор за околу 12.000 деца, бројка што ја потврдува и последното истражување на УНИЦЕФ.

(Видео): Проблемот со кравите во Крива Паланка стигна до Обвинителството – Општината поднесе кривични пријави

Крива Паланка, заедно со жителите од засегнатите села, поднесоа неколку кривични пријави до Обвинителството поради институционално непостапување по извршни решенија за одземање на добитокот што слободно шета во градот и пошироко.

To top