Македонија

ВМРО-ДПМНЕ: Паниката во врвот на СДС преминува во политичка хистерија

Начинот на кој почнаа да се однесуваат функционерите на СДС сè повеќе наликува на секта

Начинот на кој почнаа да се однесуваат функционерите на СДС сè повеќе наликува на секта, а не на политичка партија,велат во партиското соопштение од ВМРО-ДПМНЕ.

Исти фрази, исти напади, исти координирани настапи и очајнички обиди да се создаде вештачка атмосфера на хаос во јавноста. Кога една политичка структура ќе почне да функционира како затворен круг кој живее од сопствени заблуди и постојано ги повторува истите конструкции, тогаш станува јасно дека проблемот одамна не е политички, туку многу подлабок!

Жал ни е што се однесуваат како секта и сериозно сме загрижени за психичката вознемиреност која очигледно владее во врвот на СДС. Наместо аргументи, наместо политика, наместо барем минимална рационалност од нивните прес-конференции излегува нервоза, паника и очај.

Стравот од сопствениот политички крај и одговорноста за пустошот што го оставија зад себе, ги тера да се движат низ темните ходници на тешките политички и психички трауми. Затоа реагираат нервозно, затоа врескаат на прес-конференции и затоа очајно се обидуваат секоја трагедија да ја претворат во политички циркус.

Ги повикуваме да застанат.

Да се преиспитаат.

Да ги анализираат сопствените потези.

Ако барем малку се погледнат од страна, ќе сфатат дека ова што го прават не е политика, туку симптом на сериозна политичка и психолошка криза.

Од почит кон јавноста и одговорноста кон граѓаните, ВМРО-ДПМНЕ целосно ги негира и отфрла овие очајни и бесрамни обиди трагедиите да се злоупотребуваат за дневнополитички напади.

Македонија заслужува сериозна политика, а не политичка хистерија и очајни настапи од една партија која очигледно не може да се помири со сопствениот пораз, велеат во партиското соопштение од ВМРО-ДПМНЕ.

Најнови вести од: Македонија

Ахмети: Балканските криминалци соработуваат, но не и политичарите

„Трагедијата е во тоа што народите и политичарите кои ги претставуваат – и Македонците, и Албанците, и Србите – не успеваат да соработуваат за да изградат мирен Балкан и посигурна иднина за сите нас“, вели лидерот на ДУИ

Аларм: Секое 10-то дете во Македонија изложено на сексуална злоупотреба на интернет

Секое десетто дете во Македонија на возраст од 12 до 17 години коешто користело интернет било изложено на сексуална експлоатација и злоупотреба. Станува збор за околу 12.000 деца, бројка што ја потврдува и последното истражување на УНИЦЕФ.

(Видео): Проблемот со кравите во Крива Паланка стигна до Обвинителството – Општината поднесе кривични пријави

Крива Паланка, заедно со жителите од засегнатите села, поднесоа неколку кривични пријави до Обвинителството поради институционално непостапување по извршни решенија за одземање на добитокот што слободно шета во градот и пошироко.

To top